جف القلم والحبر وقف مداده = في غيبتك ياخادم البيت عــنا
ياللي ملكت المجد قبل الرياده = هذا عـــزانا كـــان حنا حـــزِنا

جاء من الديوان حالاً مايلي := ثم قري المرسوم والخطب الجلل
انتقل فهد العروبه للولي .! =في (صباح اثنين) سلم وارتحل
هزني خطب البيان اللي تلي =كن في عيني يذرون الكحل
يا عسى يكرم بخير المنزلي =ما يموت الحزن ..! لو مات الامل
"الله اكبر " ليت لي بالٍ خلي =كان اخلي ها الجمل وبما حمل
كلما شديت عيني بعتلي : =طاح شوفي قبل احول وارتجل
كن طعم الحزن فيني حنظلي =ااه واقسى منه عَييت احتمل
يا عبارات الاسى لا تخجلي =كم لنا نشرب هماجك والزلل
ماطلبنا منك ..يومٍ ترحلي =الصدى فينا .. وصوتك لا يزل
يا بلادي كيف اساوي بك هلي =وانتي اهلي وين ما انزل وارتحل
انزرع حبك ببو بكر وعلي =في زمانٍ وافق القول العمل
يا بلادي كبري ثم هللي =قبلة الاسلام فا حضانك تحل
انتقل فهد العروبه للولي =والعزاء انه فالحنايا له محل

ليتني ماعشت لليوم الشـؤوم=ولا سمعت العلم واكبار الجلل
والله اني ماقدرت اقف واقوم=من سمعته كن صايبني شلل
يرحمك رب السموات الرحوم=يامليكٍ موته ايجيـب العلـل
ادري ان الموت حقٍ للعمـوم=مير موتك غل وفراقك غلل
انت تبكيك المشايخ والقـروم=مابكاك النيص دوار الزلـل
الجزيره جوها محزن كتـوم=العرب ضاقت وصايبها كلل
تبكي رجال المواقف والعزوم=غيبتك سوت براضيينا خلـل
خادم البيتين قضاي اللـزوم=استلمها عش وخلاهـا فلـل
مايفرق بين حاكم ومحكـوم=ساوى بين الخمسميه والهلـل
لو يفيد الدمع صرناله غيـوم=انفجرنا والثرى صابه بلـل
دنيةٍ تاخذك وتخلي الرخـوم=عيشةٍ فيها يابو فيصل ملل!!

الشاعر اللي مارثى خادم البيت=ماهو بشاعر والاّ ماهو موالي
مرحوم يامولاي ياطيّب الصيت=ياللي بقلب الشعب والدار غالي
من حين للحكم السعودي توليّت=الى آخر ايام السنين التوالي
كفيّت ماقصّرت كفيّت وفيّت=أثبت بانك خير حاكم مثالي
نذرٍ عليّه هالسنة كان حجيّت=لدعي لمولاي بجميع الليالي
منَ التْروية للرمي لموادع البيت=لياما ارجع لعرعر واواجه عيالي
واقول يارب ارحمه خادم البيت=اللي بقلب الشعب والدار غالي

يالله هـذا الصبـح فـي ذمـة الله=لا نور لا عصفور لازهور تحييـه
أشرق ظلام الشمس والليـل جـلاه=شلّت رياح البرد نبض الدفـا فيـه
استهمـت الأقـدار ترمـي حنايـاه=جلجل سكون الفجـر يالله تشفيـه
جعل المنايـا مـا تمـره وتنسـاه=جعل المنايا تترك الفهد .. تخطيـه
واليوم فك الريـق سـم وجرعنـاه=نار ٍ تشب الجوف تحرق مجاريـه
وا حر نزف القلب والكبـد حـراه=وا لهفة ضلـوع الثكالـى تناديـه
وا فهدنا والجـرح كبْـرت خطايـاه=وا فهدنـا والحـزن شبّـت لياليـه
وا فهدنـا والهـم نـوّخ مطـايـاه=على صدور اليتْـم والفقْـد والتيـه
ترعى شرايين الوله عنـد طريـاه=تلتح من عروق العتب والمشاريـه
مااجتمعت الاقوام بادنـى سوايـاه=يوفيـه شعـر ٍ ذاهـلات ٍ قوافيـه
وا فهدنا والكـون ضجـت ثنايـاه=واسرف فجور النار ينهش بواقيـه
لو يفتدى راس الأمم طاحـت فـداه=لو يفتدى فهد الفـدا كـان نفديـه
وقْفَت نهايات الفخـر عنـد مبـداه=الممطر اللـي قبّـل الغيـم أياديـه
المؤمن اللي ينصر الديـن مسعـاه=القايد اللي نكّـس غـرور أعاديـه
الوالـد الحانـي ولـولا عطـايـاه=مااخضر وجه الارض واحيا مراعيه
العالـي اللـي طيبـات ٍ نـوايـاه=ما اجتمعت الأخصام من دون ساعيه
لعثم حسابات الأمـم فـي مزايـاه=فهد الزعيم الحر وشلون نحصيه ؟
في جنـة الفـردوس مسكنـه يالله=وسّع مداخيلـه و جـازي تفانيـه

يا هادم اللذات وش اللي معجلـك=أصبر عسى خيرتك في شئ قادم
والله لو بدلتني بـه ... لابادلـك=روحي بدل روحه ولانـي بنـادم
أنشهد أن اللـي خذيتـه يجمّلـك=مـا كنّـك ألا مأخـذٍ لـك أودام
هذا الفهد لو كان تبـدي تجاهلـك=آرائنا في حضرته... ما تّصـادم
ملك ولكنـه تنـازل عـن الملـك=فضّل يعيش لبيت الإسـلام خـادم
بالعز عـلاّ رايـة الديـن للفلـك=وعاشت على خيره بـلاد وأوادم
ما اعترض حكم وقدر ربٍ أرسلك=لكن صدق منهـو مسميـك هـادم
يالله يالمعبـود ماخـاب سائـلـك=ياللي خلقت الكـون وحـوّاء وآدم
في جاهك إنك ترفعه في منازلـك=ولا تحط له من دون شوفتك عادم
ملك ولكنـه تنـازل عـن الملـك=فضّل يعيش لبيت الإسـلام خـادم