من الهاجس اللي غاب قد له ثمان شهـور=وشهرين واكثر والسبـب جـور الايامـي
رجع بالغنايم بعـد طـول وهـو مخبـور =بجزل القـــــصايد كان فـي بحرهـا عامـي
على الجزل يشهد له رجال 'طوال شبـور=رجـال يعرفـون الحــــقايـق والاوهامـي
اقولـه ثقـه بالنفـس مهـوب والله زور=ولاهــــهو ب زود وراعي الـــــزود مادامـي
ونفسي ما ازكيها بشر يعترينـي قصـور=ولا كامـل الا خالـق الخـــــــلـق عـلامـي
لو اجلس سنين ما اكتب الشعر دون شعور=ولا نيب شخص في شعـوره والاحلامـي
كما يفعله بعـض شعرانـا بكـل جسـور=ولا تنشـــــــدونـي والهـدف مايبـي رامـي
حقايق على وضح النقـى قلــــتهـا بجهـور=ولاتزعـل الا شــــــاعـر يكتـب شهـامـي
نغيـب اشهرونعـود للشعـر والجمهـور=ونفـرق بسومتنـا عـلـى كـل سوامــــــــــي
نساير ظروف الوقت ونجنـب المحظـور=ونبـدع قصيـد فيـه طـــب للاسقــــــــــامـي
قصيـد يشـرف مارجينـا وراه ظهـور=ولا ارز بـه نفـســــــــي وادو للاعــــــــلامـي
وندرك بأن الشعر عند العـرب لـه دور=يليـن قلــــــــــوب قاسيـه يصلـح اخصامـي
شعور ومشاعر صادقـة تنكتـب فالفـور=الى هاض هجسك يـاردن يمـه حيـــــامـي
هذا والقوافـي تـو زانـت وراح الجـور=وجوي صفى ونـزاح عجـه والاكتـــــــــامـي
احس الهموم اللي بوسـط الحشـا تنـور=طفت وختفــــــت لـو جرحهـا غايردامـي
وودعـت حمـل منـه دم الوريـد يفـور=اخفيه وصبر وحتمـــــل لـه ولـو ضــــــــامـي
احاول حلوله بالخفى ماكشـف المستـور=ولا كـل عــــــد يـروي الـوارد الضـــامـي
وكله سبب في مـن نظنـه ثقـه ويخـور=نشبنا على شانه وصرنـا لـه اخـــــصامـي
وبعد موقف اللي لا وقف مايحـب ظهـور=فلا لي عـذر والشعـر يلزمنـي الزامـــــي
ابابدع جديد القاف وكتب وانـا مسـرور=وطب البحور الهوج لـو موجهـا طـــــــــامـي
هذا والله اللـي يستحـق الثنـا الماجـور=وفيه الشعر فخـر ونومـاس ووسامــــــي
عسى الله يجملني بقـاف يشعشـع نـور=يعبر عن الموقف وما في الحشـا كامـي
بسطر حروفه من ذهب لو تمـر عصـور=تجدد ويبقـى شامـخ طـول الاعوامــــــي
مخصص لرجل من رجال تحكـم الشـور=يسـد النوايـب للطـــــــــــويـلات روامــي
حشيم ولـه عنـد المناعيـر قـدر ودور=وعـز لربعـه والرفاقـه والارحــــــامـــــــــي
تواضعه ميزه لوملـك خيـره المظهـور=مجاهيم سـود صـــــــيتهـا شـرق وشامـي
ولوهي مع غيـره تباهـى وزاد غـرور=وهو في التواضـع دايـم الـدوم مقـــــــدامـي
وله في المزاين بصمـة والاسـم محفـور=وفي المرجله قسمه من خيـار الاقسامـي
كريم مـن رجـال الوفاطيـب مشهـور=ولا هو من اللـي كـان مــــــــــامـدح ماقامـي
ولا احد بمستغرب مواقيف بـن منصـور=حمد راعـي الوقفـات عـوان منـــــــضامـي
بعد ماوصله العلـم مـن شبلـه المنعـور=دغش جعل يسلم من صواديـف وآلامـي
تمزهل ووقف جعل يفدونـه اهـل البـور=رجـال المظاهـر والحكـــــــي والتهندامـي
عساهم فدا اللي ماتأخـر وحـط عـذور=وقف ورتكى للحمـل بسـرور مــــــاعامـي
وفي خلال ساعه وصلنـا رده الممطـور=علـى شاشـة الجـوال والخلـــــق نيامـي
وفيه السعد والطب للـي شكـي محسـور=زمانـه خصيمـه والمخاليـق لـوامــــي
مواقيفـه تشـرف وصيتـه بهـا مذكـور=ولايرتجـي الا ربـه الواحـد الســــــــــــامـــي
وهذى طـراة المـال ولا الحيـاة مـرور=ومـن صـر مالـه بشـره بالتـــــــــنـدامــــي
ولا خير في مال طوال العمـر مصـرور=مايـزداد بـه راعيـه للموقـف الحـــــــــامـي
رصيده ملايـن وحياتـه شقـا وعسـور=ماعان الفقـارا مااكـرم بمالـه حشــــــــامـي
وماله وما جمعـه يجلـس وهـو مقبـور=الى مـات راح بقطعتيـن مـن الخــــــــامـي
حمد له مواقـف عدهـا يشبـه الطابـور=تبي وقت لاجـل تعـد للنـــــاس بالمــامـي
ومهما كتبت من القصايـد وزدت سطـور=ماتوفيـه حقـه لاقـــــصـايـد ولااقـــــلامـي
عسى الله يجنبـه البـلا والغثـا وشـرور=ويـزداد عـزه كـل عـام بعــــــــــــد عامـي
ويجـزاه بالوقفـات جنـة نعيـم وحـور=ومنزل جوار افضل بشــــر خير من قامـــي
ولا الدار هذى لو سكنـا فلـل وقصـور=تراهـا تــــــــزول وتاليتـهـا التهـدامــــــــي
هذا ما تهيا لـي هـذا الجهـد والمقـدور=كتبتة وفـا للطيـب اللـي معــــــي قامـي
وعذري على التقصير والنقص في الميسور=وقبل اختم اصلي على خير مـن صامـي