الصبح شعشع واقبل النور بالنور=والليل الاسود مايجيب الصراحه
ماني بضايق لكن القلب مقهور=مثلي تساوت ضيقته وإنشراحه
آمنت باللي ثبّت اطويق والطور=عساه يلهمني ثبوت وفصاحه
واضح واحب اقابل الناس مسرور=مخلوق من بين الرضا والسماحه
اكتب قصيدي همي إسعاد جمهور=ماهمني فوضه وصوره وساحه
موجٍ تلاطم من ورى سبعة ابحور=حروف شعري للمخاليق راحه
يامبتليني بالحكي اسمع الشور=لا تحسبنّك عايش بوسط واحه
اللي خلقنا ميّز الحق والزور=الفرق واضح كالسما والبراحه
الطب يبغاله من الناس دكتور=والهندسه تبغى ارتفاع ومساحه
ياللي تقول اني من الناس مغرور=ميّز هماج الما وميّز قراحه
لامن كبر راسي مع الطيش معذور=لكن غرور الشخص سبة مطاحه
نسعى بهالدنيا نبي الحال مستور=والمجتهد همه وغمه نجاحه
ياصاحبي لا تقعد اتلف واتدور=الطير وشهو ؟ لو كسرنا جناحه
منت بمعي يابن الاجاويد مجبور=من راح مني سمّح الله مراحه

آمنت باللي ثبّت اطويق والطور=عساه يلهمني ثبوت وفصاحه
واضح واحب اقابل الناس مسرور=مخلوق من بين الرضا والسماحه
اكتب قصيدي همي إسعاد جمهور=ماهمني فوضه وصوره وساحه
موجٍ تلاطم من ورى سبعة ابحور=حروف شعري للمخاليق راحه

صح لسان الشاعر ناصر بن محمد بن دهيم الغييثات

وجعل شايبن ارثه الجنه ونعم الشبل من ذاك الاسد


ابو طارد تسلم يمناك على الابيات الطيبه

اللي نقلتها لنا

وتسلم ويسلم غاليك

اخوك


ابو عبد الله الشكري