سلام الله على من طالعتني حزت مسيان =تطالعني وطالعها ولاتقدر تحاكيني
فمان الله مادام الغلا شفته معا الآعيان=بتبقى صورتك فيني معا فكري تباريني
بتبقا فالحشا لين الزمن يكتب لنا عنوان=على جمعاك يامنهو تمكّن في شراييني
على ضوح القمر صوره جمالك ساقت الآشجان=تهوم النفس معها في سما حبك وترويني
سريتك في ظلام الليل مسرى من سرى عطشان=على حروة غدير الروح يامنهو يناديني
على رجم المحبه يعتلي قلب(ن) لكم ولهان=يخفف من تناهيته على ذكرى المحبيني
على رجم الغلا متوحد(ن) عن جمله العربان=تركت الناس واغليتك وجيتك يامهاويني
يقولون الغلا ورد(ن) ترعرع في حما البستان=الى هب الهوى فاحت عطوره لي رياحيني
ونا اللي من عبير الورد جيتك بالغلا شفقان=حملته فوق كفي مرتوي بالدمع من عيني
اعيش بعالم عيون الغلا ياروعه الخلان=واسطر كل حرف(ن) بالقصيده لك دوواويني
الى مني ذكرت السلهمه ياساحرة الآعيان=اسج بعالم(ن) ثاني عن العالم يكفيني
الآيامالكه قصر(ن) من الياقوت والمرجان=بنيته في حنايا الروح واسميته عناويني
الآيامملكه قلب(ن) نظم لك داخله ديوان=كتب عنوان ديوانه بسم سيد المزاييني
يقولون الغلا يزداد شوقه لاطواه ازمان= ونا اقول الغلا من وقتها متمكنن فيني

المشاركة الأصلية كتبت بواسطة ابو زيد الغييثي (المشاركة 411280) اررررررررررررررررحب تراحيب الحيا الشاعر الكبير / مطلق الحصان آل عمار من طول الغيبات جاب الغنايم ابيات جزله ومن راس جزل رغم اني لست ممن يهون الغزل حتى لو كان عفيفا ً ولكن الجزل يجبرك على الاطلاع والقراءه والسماع ولا تبطي علينا بجديدك يا كحيلان أخوكـ / ابو زيـد الغييثي