يا صاحبي با الله لا يكثـر الرمـس = ماني بيمك صـدري اليـوم ضايـق
يا صاحبي تكفى ترى خاطري عمس = ماني برايـق كـان تبغـى الحقايـق
كله سبايب من حمس خافقي حمـس = ناسٍ غشيمه مـا تعـرف الطرايـق
ناسٍ اتحسب المرجله ركبة الجمـس = وتقـول مـا مثلـي بكـل الخلايـق
الله يطمس مثلهم يا عـرب طمـس = أهـل العلـوم الهيـنـات الدقـايـق
المرجله يا اللي تبا المرجلـه شمـس = من دونها يا ناس مـا عـاق عايـق
اللي يميز فعلهـا يـا بشـر خمـس = اموثقه عنـد العـرب بـا الوثايـق
طيب ووفاء وصدور ما تعرف الحمس = وجـودٍ ولـدروب المكـارم سبايـق
ناسٍ تدف العوق ما تعرف الرمـس = و الـلاش دايـم للغثيثـه يـوايـق
وراع المراجل يأخذ اليـوم والأمـس = فـي كـل علـمٍ غانـمٍ دوم فـايـق
وألا الردي لو هو لمس للقمر لمـس = يبقى ردي حيـث العلايـق علايـق
أهل الردى نكبات و وجيههم دمـس = واللـي سواهـم جعلهـم للمحـايـق
يا صاحبي جاتك جهر ما هي بهمـس = أهل الوفاء تفرق عن أهـل الدقايـق
واللي يحسب المرجله ركبة الجمـس = ويشوف نفسه فـوق كـل الخلايـق
شرواه قل له يا طويل العمـر أمـس = والمدح في الرديان مـا هـو بلايـق

وراع المراجل يأخذ اليـوم والأمـس=فـي كـل علـمٍ غانـمٍ دوم فـايـق

المشاركة الأصلية كتبت بواسطة الحبيبي10 (المشاركة 410214) ارحب يابو نايف ارحب صح الله لسانك على القصيده الجزله وبيض الله وجهك على الطرح الراقي لاهنت لاهنت لاهنت تم تقيم القصيده ممتاز محبك ابو بدر تحياااااااااااااااااتي

وأنا أقوووووووووووول مثل ماقال الحبيبي:)

يا صاحبي جاتك جهر ما هي بهمس=أهل الوفاء تفرق عن أهـل الدقايـق
واللي يحسب المرجله ركبة الجمـس=ويشوف نفسه فـوق كـل الخلايـق
شرواه قل له يا طويل العمـر أمـس=والمدح في الرديان مـا هـو بلايـق

المشاركة الأصلية كتبت بواسطة ولد ودعان (المشاركة 410213) وراع المراجل يأخذ اليـوم والأمـس=فـي كـل علـمٍ غانـمٍ دوم فـايـق اخوي مسفر المصاريري صح السانك مليون على هذه الجزله تحياتي اخوك ولد ودعان