ألا واهني اللي سليـم مـن الهاجـوس=ليافـات ثلـث الليـل مـادّك هاجوسـه
ولا أركى على كوعه وكل العباد غطوس=يسرح مع الأحـداث بالوقـت ويقوسـه
يعاني من الأيام وقـتٍ هبوبـه كـوس=وكـل يعانـي مـن زمانـه وكابوسـه
تدور الليالـي والليالـي بهـن ادروس=ومن عاش بالدنيـا تجاريبـه ادروسـه
بحكم التجارب خط سيره يقوسه قـوس=على ماتقول الناس .. خطوات مدروسه
ألا يازمان السلـم ياوقتـي المنحـوس=لقيت الغرايب والفتـن فيـك مدسوسـه
لقيت البناخي للبناخـي يجـي دبـوس=ويدخل كما بالضرس ماتدخـل السوسـه
خليٍ من الغيـره خلـيٍ مـن النامـوس=يطش الشرف قـدام رجليـه ويدوسـه
ولقيت الرجل يغتاب غايب بحد المـوس=يسولف ولوكان الرجاجيـل مضروسـه
ليا لاح عرض فلان لو له عيال جلـوس=يدرعم قليل العرف مايشغـل احسوسـه
على مابدا لي منه شيخ طلـع بفلـوس=مزمر وخشمـه لاقـيٍ نـاسٍ تبوسـه
وأناخابر إنّـه وارثً راعـي الفانـوس=لقاهـا وراه بشـدة البخـل محروسـه
وأنا أقول مالٍ شيَّخ الهبـع والدنفـوس=ابا أموت ماحطيـت حاجـات ملموسـه
لياصار يطلع روس لو هي مكانـة روس=يداحم زعيـم مربطـه كـان سايوسـه
لو المال زندٍ حـي لـه واقـع ملمـوس=ولاهي غريبـه قِيـم الرجـل بفلوسـه
ينّزل بوادي ويـل ويحـط بالفـردوس=ومذمـوم حرمانـه وممـدوح ناموسـه
بمالك تفـك مغربـلٍ منعسـر محبـوس=تفكه رسالـه منـك بالصّـك مدبوسـه
لوالمال له شنصٍ موفق مـع الهلبـوس=لحيث انها ماهـي بالاحسـان مريوسـه
لو المال من عيبه وجوده يشيل انفـوس=وراع المال طول الوقت مشغول حاسوسه
بوقت الفراغ تقـول طالـب بكالريـوس=ولا ينتهي غيـر المحطـات محيوسـه
واباأطلب من الشعار تفصيلة القامـوس=تفصل نقاطٍ بآخـر الوقـت محسوسـه