::: مـنتدى قبيلـة الـدواسـر الـرسمي ::: - قصيدة مدح في الأمير حزام بن خزام العجالين من شيوخ الفرجان وفي مدح أبناء عمومتنا قبيلة الصخابرة (بعيدين المغازي)

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

قصيدة مدح في الأمير حزام بن خزام العجالين من شيوخ الفرجان وفي مدح أبناء عمومتنا قبيلة الصخابرة (بعيدين المغازي)


	وهي للشاعر الكبير نــاجـي بن مـرضي الـصـخــابرة يقول رحمه الله رب كافي الحرايب وطاريها =تنقص الدين فيها زود نقصاني ما خبرت المشبب قد سعى فيها=من سعى في الحرايب بات خسراني قبلت الشيخ لزلة يرافيها= مايقطع زنوده ذرب الأيماني وأبو خزام ياوالله مصاليها =نعم ذيب الشلايا صلب عجلاني دوك كتب الرسايل لك موديها =وحن على ما أوجب الداعي إلا جاني ديرتي رزنة (ن) ما أحد(ن) يدانيها=ما علاها دراويز (ن) وجدراني سورها آلاد صخبور (ن) حواميها=بين حضر (ن) وبدوان (ن) وشواني فراكب اللي حسينات (ن) مهاويها=تعجب اللي حريص (ن) بلغ الأضعاني ابن سعـدون بالهرجة امـثـنـيـها=شيخ قـوم (ن) توطى كل شيطاني وحن دروعه سيوف الهند نرويها =وإن بغـينا مس ابطانها عـالي وابن عـواد للسربة يـقـديها=يوم ذيك الحلول ولبس الأكفاني يتعـب الهجن حفـيات (ن) سماريها=لا غدت شـحَـمـِـن جت حيلها واني مسبعـتها مع الحدبا وأثاريها =صوب نجد وتاصل ساحل عماني كم عزيب (ن) خذوها من مفاليها=لين والله سهدها طير حوراني يوم أبا السمح ذي شاته مخليها=نشرهم روعوا به كل قيظاني ننزل الخطر والخوفة نصاليها=من على جدنا وأصل بن بدراني رجعة الحب نتكمها ونعميها=هرجة (ن) ما يكذبها ابن قيذاني شايب (ن) هاذر (ن) ما يفهم معانيها=ليت مصغارهم من عصر فرثاني لا نقلنا الموارث من مضاميها =نشبع الطير هو والذيب سرحاني نشبع الطير والضبعة نعشيها =مثل ما قد كسرنا ضلع شعواني والقبايل ليا ضاعت هقاويها=نكسب العز في زاغات الاذهاني المراجل لنا أولها وتاليها =كسبنا ما شريناها بالأثماني وقد ذكر الشاعر في القصيدة :ابو خـزام والمقصود به الأميرحزام ابن خـزام العجالين:من شيوخ الفرجان كما ذكر ابن عواد وهو عقيد المغزى ولقبه(بعيد المغازي ) كما ذكر ابن سعدون آل عفيص : وهو شيخ قبيلة الصخابرة كما ذكر ( فرثان ) وهو الفارس الشجاع:راشد بن حويل آل عفيص الصخابرة والسلام عليكم ورحمة الله وبركاته

رد: قصيدة مدح في الأمير حزام بن خزام العجالين شيخ الفرجان وفي مدح أبناء عمومتنا قبيلة الصخابرة (بعيدين المغازي)

من احلى القصائد شكرا لك

الأخ الحفيد الأمراء

بيض الله وجهك وجعل يمناك مايجيها العطب

قصيدة كنت اسمع بعضها وكنت اتمنى معرفة قائلها وقراءتها كاملة وانت ماقصرت يالقرم

ونعم والله في العجالين وفي الفرجان وفي لاد صخبور هل المدح والطاله

سجل اعجابي بما تكتب

تقبل تحياتي،،


	شاكر لكم على هذا المرور الجميل والذي عطر المشاركة

صح لسان الشاعر / نــاجـي بن مـرضي الـصـخــابرة

وعز الله يستاهل الممدوح كل علمن غانم

ولاهنت ياحفيد الامراء على ادراج القصيده وبيض الله وجهك