البارحة سيّر على البال طاروق = يامرحبا به يوم جاني وسيّر
رحبت به ترحيب فن معه ذوق = من خوف لايزعل علي ويتذيّر
أخذ يوجهني على غروب وشروق = كني معه ياناس طفل صغيّر
وانا ادري إن الفكر ماهوب مطفوق= ولا ادناة شي يغيره بيتغيّر
ماغيره توصيف عاشق لمعشوق = وحب على درب المعزة مضيّر
اول بداياته بلوتوث في السوق = ونهايته ستر الكرامة يطيّر
ماهيضه ياكون رعاد وبروق = في عرض ليل ٍ من سواده يحيّر
يامربه اللي معتلي فوقنا فوق = وينثر هماليه على كل ديّر
ويهيضه مجد مع الوقت مسروق = غدوبه العدوان واصبح مجيّر
غدوبه العدوان والطاق مطبوق = وصرنا بعد ذيك الكرامة نعيّر
للمسلم من اول مكانه ومرموق = وصغيرنا وقت المواقف كبيّر
واليوم بعض ربوعنا صابها عوق = وجدار بعض الناس عوّد جديّر
مما نشوفه صاير القلب محروق = وابن آدم مسيّر ولاهو مخيّر
يالله ياللي معتلي فوقنا فوق = انصر بنا الإسلام في كل ديّر

ويهيضه مجد مع الوقت مسـروق=غدوبه العـدوان واصبـح مجيّـر
غدوبه العدوان والطـاق مطبـوق=وصرنا بعد ذيك الكرامـة نعيّـر

المشاركة الأصلية كتبت بواسطة ابن شمسان البدراني (المشاركة 399849) جزلة جزلة جزلة من راس جزل صح لسانك يابو محسن وبيض الله وجهك تقبل تحياتي ،،،

المشاركة الأصلية كتبت بواسطة فيصل الشكري (المشاركة 399851) صح لسانك يابو محسن وبيض الله وجهك على القصيدة الجزلة وتقبل تحياتي ،،

المشاركة الأصلية كتبت بواسطة سالم بن صمهود (المشاركة 399866) ويهيضه مجد مع الوقت مسـروق=غدوبه العـدوان واصبـح مجيّـر غدوبه العدوان والطـاق مطبـوق=وصرنا بعد ذيك الكرامـة نعيّـر اللهم عزالاسلام وانصرالمسلمين ابومحسن صح الله لسانك ملايييييييييييين ولاهم بكافييييييييييين دايم مبدع جعل والديك في الجنه

المشاركة الأصلية كتبت بواسطة نايف الخييلي (المشاركة 399876) ياسلام عليك ياراشد قصيده جزله ورائعه إستمتعتنا بقراءتها وفكرتها المعبّره ,تغيب ونفقد إبداعاتك ثم تعود لنا بجزله تعوض غيابك الشعري, صح لسانك وصح فكرك يامبدع

المشاركة الأصلية كتبت بواسطة ولد ودعان (المشاركة 399925) صح الساانك مليووون على هذه الجزله يالجزل لاهنت ولا تحرمنا من غيرها يالغالي

ماهيضه ياكـون رعـاد وبـروق في عرض ليل ٍ من سواده يحيّـر يامربه اللي معتلـي فوقنـا فـوق وينثر هماليـه علـى كـل ديّـر