|
الشريف بركات يوصي ابنه مالك
السلام عليكم ورحمة الله وبركاته الشاعر هو : الشريف بركات بن عبدالمطلب ، من اشراف مكة وهذه قصيدته المشهورة بوصيتة لإبنه مالك حيث يقول:
يا الله ياللّي كـل الأمـات ترجيـك=ياواحـد ٍ ماخـاب حّـي ٍ ترجـاك يارب عبد ٍ مامشى فـي معاصيـك=ولايمشي إلا في محبتك ورضـاك يامرقب ٍ بالصبـح ظليـت باديـك=ماواحـد ٍقبلـي خبرتـه تـعـلاك ولّيت ياذا الدهـر ماكثـر بلاويـك=الله يزودنـا السلامـة مـن اتـلاك ياللي على العربان عمت شكاويـك=ولّيـت يادهـر الشقـا ولّ مقـواك واليوم ها لكانـون غـاد ٍ شبابيـك=تلعب به الارياح مـن كـل شبـاك يامالك اسمع جابتي يـوم اوصيـك=واعرف ترى يابوك بآمرك وانهـاك وصية مـن والـد ٍ طامـع ٍ فيـك=تسبق على الساقه لسانـه العليـاك أوصيك بالتقوى عسـى الله يهديـك=لهـا وتدركهـا بتوفيـق مـولا ك الله برب أجـدادك الغـرّ يعطيـك=مرضاته مع ماتمنـى مـن إمنـاك إحفظ دبشك اللّي عن الناس مغنيـك=اللّي ليا بان الخلـل فيـك يرفـاك وإعرف ترى مكه ولاهـا بناخيـك=لو تشحذه خمسة ملا ليـم معطـاك إجعل دروب المرجله من معانيـك=وإحذر تميّل عن درجهـا بمرقـاك لا تنسدح عنهـا وتبغانـي اعطيـك=جميـع مايكفيـك ماحاصـل ٍ ذاك أدب ولدك إن كـان تبغـاه يشفيـك=لو ضاقت إمـه لا تخليـه يـالاك إما سمج واستسمجك عنـد شانيـك=ويفر من فعله صديقـك وشـرواك والا بعد جهلـه تـرا هـو بياذيـك=لو زعلت امـه لاتخليـه يـا لا ك وإحذر تضّيع كل من هو ذخر فيـك=معروف لاتنسـاه واوفـه بعرفـاك ترى الصنايع بين الاجواد تشريـك=إليـا طمعـت بغرسهـا لا تعـداك وإحذر سرور بغبة البحـر يرميـك=ولا عنده افلس من تشكّيـك وبكـاك وأوف الرجال حقوقها قبـل تاتيـك=لا توفيـه بالهـرج فالحـق يقفـاك وهرج النميمه والقفا لا يجي فيـك=وأياك عرض الغافل أيـاي وإيـاك تبدي حديث ٍ للمـلا فيـه تشكيـك=وتهيم عند الناس بالكذب واشـراك واليا نويت إحـذر تعلـم بطاريـك=كم واحد ٍ تبغى منه عرف وأغـواك وأحذر شماتت صاحب ٍ لك مصافيك=وليا جرالك جـاري ٍ قـال لـولاك و لا تحسب ٍ ان الله قطوع ٍ يخليـك=و لا تفرح إن الله على الناس بـداك الضيف قدم له هـلا حيـن يلفيـك=وممّا تطوله يافتـى الجـود يمنـاك إحذر تلقي الضيف مقرن علابيـك=خله محب ٍ لك صديق ٍ ليـا جـاك ووصيك زلا ت الرفيق ان عثا فيك=مازال يغّطاها الشعر فا حتمـل ذاك راعه ولو ما شفت إنـه مراعيـك=عساك تكسـر نيتـه عـن معـاداك وإحذر عدوك لو ظهر لك مصافيك=خلك نبيـه وراقبـه ويـن ماجـاك لا تامنه واطلـب مـن الله ينجيـك=ويكفيك ربـك شـر ذو لا وذولاك شفني انا يا بوك بآ مـرك وانهيـك=عن التعرض بين الاثنيـن حـذراك إذا حضرت اطلابة ٍٍ بـه شرابيـك=اسع لهم بالصلـح والـلاش يفـداك ابذل لهـم بالطيـب ربـك ينجيـك=ولا تجضع الميزان مـع ذا ولا ذاك أما الشهاده فادهـا إن دعـوا فيـك=بيّن عمود الدين لا عميـت أريـاك بالك تماشي واحـد ٍ لـك يرديـك=طالع بني جنسك وفكـر بممشـاك رافق أصيل ٍ في زمانـك يشاكيـك=لاشاف خلا تك عن الناس غطّـاك وحذراك عن طرد المقفي حذاريـك=عليك بالمقبل واترك اللّـي تعـداك ثم إلعن الشيطان حـذراك يغويـك=تـرى ان تبعتـه لشرابـيـك وداك وأوصيك لا تشكي علينـا بلاويـك=انت السبب اطرفت عينـك بيمنـاك وإعرف ترى اللّي واطا الفعرواطيك=ولاأنته أعزمن الجماعـه هـذولاك ألمسك ياراسي من الذل وأخطيـك=وأحذر تكلـم يالسانـي وحـذراك وألطف بجارك قوم من دون عانيك=وافطن لما يعنيك عن ربعة اخـواك ياذيب وإن جتك الغنم فـي مفاليـك=فا كمن لهـا ياذيـب لامـا تعـداك فيما مضى ياذيـب تفـرس بياديـك=واليوم جاء ذيب عن الفرس عـداك ياذيب عاهدني وعاهـدك مارميـك=مرميك أنا ياذيب لـو زان مرمـاك والنفس خا لف رايها قبـل ترميـك=ترى لها الشيطان يرمي با لاهـلاك ومن بعد ذا لاتصاحب النذل يعديـك=عن صحبة الانذال يابـوك حـذراك والهقوة انك ماتجـي دون أهاليـك=ولا ظن عود الورد يثمـر بتمبـاك والحر مثلك يستحي يصحب الديـك=وإن صا حبه عاعا مععات الاديـاك لا تستمع قول الطرف يـوم يلقيـك=بالكذب يقضي حاجته كـل ماجـاك من نّم لك نّم بك ولا فيـه تشكيـك=وأليـاه قـد زرى رفيقـك وزراك عندك حكا فينا وعندي حكـا فيـك=وأصبحت كارهنا وحنـا كرهنـاك ماخطاك ماصابك ولو كان راميـك=واللّي مصيبك لو تتقيـت مخطـاك مير استمع مني عسـى الله يهديـك=النصح يا ما لـك لـك الله مـولاك عنـدي مظنـه مـا تمثلتهـا فيـك=واطلب لك التوفيق من عند مـولاك |
لا هنت على النقل
ورحم الله الشريف |
اقتباس:
النادره |
أبو طارد بيض الله وجهك يالغالي من أروع ما قيل في الشعر.. مواضيعك متميزه وتجبر القارىء على قراءتها لاهنت وكثر الله من أمثالك عاطر التحايا دغش البطي |
الساعة الآن 09:32 AM
 |
Powered by vBulletin® Copyright ©2000 - 2025, Jelsoft Enterprises Ltd.
---