ياعيد بأية حال عودت ياعيد=والوضع هو الوضع مافيه تغيير
مابه على ماقيل بالأمر تجديد=وماظن في وصفه مع العلم تعبير
صحوة مشاعر صوتها يقرب بعيد=نخوة ظماير خانها سوء تقدير
كـرامة امه تشتكي وطــأة القيد=تبي الخلاص بدووون ماتحط تدبير
العبد صار بوقتنا يامر السيد!!=نمشي غصب في دربنا دون تخيير
حصار غزه ..هم..تجويع تنكيد=لا زاد لا فرحه ولاقرب تحرير
وبالرافدين اسلامهم صار تهويد=القتل والتشريد من وين ماتسير
يأعظم أمه ليه صرنا لهم صيد!؟=ليه أرتضينا بوضعنا لعبة الغير
نتقن ونبدع بس في الكذب والكيد=والمخطي نزوده مع الغي تشهير
أعرف صديقك قالها سيد البيد=صاحبك حامل مسك أو نافخ الكير!!
وترى سنينك ماتجي كيف ماتريد=كم واحد من عسرها وده يطير
طاعة ولي الكون ولاغيرها تفيد=فيها الفلاح وجامعه زبدة الخير
عيد" مبارك فيه للعهد تأكيد=منه الغلا ماخذ على القلب تقرير
العيد هو العيد فرحه وتغريد=حمد وثناء لله ..تهليل ..تكبير