و قلبـي اللـي مــن زمــانٍ فــات مـاخـوذ سـبـي=سبـي الحناشـل مـن مـراح راعـي ابلـه وغنمـه
الليـل يسـري بالدبـش والذيـب والحـايـف يـبـي=والـبـدو ماينـهـب دبشـهـا الا اللـيـال المظـلـمـه
الحايف ايحـوف الضعـن والذيـب لضـان يحبـي=والراعي المسكيـن عـن غيـب القـدر مـن علمـه
امـسـى غـنـي يلـبـس العـمـه وتـزهــاه الـعـبـي=واصـبـح فقـيـراٍ مايحـصـل لـقـمـة تـمــلا فـمــه
واللـي جرالـه قـد جـرالـي ياحـمـد وانــا صـبـي=قلـبـي مــن الاضــلاع منـهـوب بـدمـه ولـحـمـه
اتـلا العهـد بالقلـب يـوم انـا مابيـن امـي وابــي=اثـره علـى الـحـب انفـطـم قــدام لاامــه تفطـمـه
محـدن بـكـى ولاشـكـى ســواة نــاري وحطـبـي=ولابـه مثـل سـاقـي تعـنـا واتعـبـه سـيـر اقـدمـه
بصبـر واكابـر دامنـي بالـحـب غـبـرت اشنـبـي=قـال المثـل (( مـن لايغبـر شاربـه مـا دسمـه ))
بـس اتحـرى وارتـجـي يخـلـف لــي الله اتعـبـي=واقول عذري فالهوى (( ماكل بيضه بشحمه ))
القلب مدهال الهوى واصعب هوى حـب اجنبـي=وطـبـع الـعـرب كــلٍ يعـيـي دون مـربـاه ودمــه
وانـا علـى ليـت و لعـل ، احـط وانـقـل مزهـبـي=ومن فوق عش العنكبوت ابني الرجا ثم اهدمـه
طـال المـدى وانـا اتقلـب بيـن نــاري واحطـبـي=اموت واحيا والغضي يكـوي الضلـوع بميسمـه
لولاك ياعذب اللما عين الوحـش عنـق الضبـي=مـاكـان تامـرنـي وتنهـانـي بضـحـك وسلـهـمـه
لـولاك الهـوى ماكـان تملـك راس حـرّ ٍ يعـربـي=خــلاك خــوان الـرجـال بــدون حـربــا تحـكـمـه
الله يبيـحـك واستـبـح عـمـري ودمــي وذهـبــي=حلـلـت لــك كــل الـثـلاث الـلـي عـلـي مـحـرمـه
دوجي بريضان الحشا واكلـي ربيعـي واشربـي=الله عطـاك مـن الحـشـا بـيـره وتـمـره وعجـمـه
وسويـت بــي مــالا رضــاه الله ولاديــن النـبـي=ملكـتـنـي مـلـكـة نـصــارى والـديـانـه مسـلـمـه
واليوم ياعذب اللما عين الوحش عنـق الضبـي=حـقٍ عليـك اليـا خضـع لـك صاحـبـك لا تظلـمـه

القلب مدهال الهوى واصعب هوى حب اجنبي=وطبع العرب كلٍ يعيـي دون مربـاه ودمـه
وانا على ليت و لعل ، احط وانقـل مزهبـي=من فوق عش العنكبوت ابني الرجا ثم اهدمه
طال المدى وانا اتقلب بيـن نـاري واحطبـي=اموت واحيا والغضي يكوي الضلوع بميسمـه
لولاك ياعذب اللما عين الوحش عنق الضبـي=ماكان تامرنـي وتنهانـي بضحـك وسلهمـه
لولاك الهوى ماكان تملك راس حـرّ ٍ يعربـي=خلاك خوان الرجال بـدون حربـا تحكمـه
الله يبيحك واستبح عمـري ودمـي وذهبـي=حللت لك كل الثلاث اللـي علـي محرمـه
دوجي بريضان الحشا واكلي ربيعي واشربـي=الله عطاك من الحشـا بيـره وتمـره وعجمـه
وسويت بي مالا رضـاه الله ولاديـن النبـي=ملكتني ملكـة نصـارى والديانـه مسلمـه
واليوم ياعذب اللما عين الوحش عنق الضبـي=حقٍ عليك اليا خضع لك صاحبك لا تظلمـه