رحت ادور في وجيه عداي للخوه صديـق = لين ضاقت بـي يمينـي .. ومليـت تعبـي
أحسبنـي لاتعـزويـت بلقـالـي رفـيـق = لارفيـق .. ولاعـدوٍ.. ولاحتـى صـبـي
آه ياثقـل الخطـاوي علـى ذاك الطريـق = طحت من طولي على الدرب الأمحق بركبي
للزمـن مبـدا ومبـداي مـا أظنـه يفيـق = لعنبو مبـدأ الصراحـه احـس انـه غبـي
البحر تحت السفينـه وهـي شبـة حريـق = والسمـا تمطـر وذا الغيـم مافـاد لهبـي
والحيـاة وفلسفتهـا وفـزعـات الفـريـق = علموني كيف الأجناب تطمـع فـي عنبـي
(؟؟؟؟؟؟؟؟؟؟؟؟؟؟؟) يازفـرات الشهيـق = ماحـدن غيـرك اليـا راح يبكيـه هدبـي
من خلق وجه الليالي وانـا مالـي شقيـق = غيـر حزنـن لالفانـي تلقـانـي يحـبـي
قمـت البـي لالمحتـه واذا اقفـا اضيـق = ضيقة اللي شايف الضيم في وجـه أعربّـي
ولالفانـي فـز قلبـي مثـل فـزة عشيـق = جا يرحب بي وانا اموووت لاقـال ارحبـي
ارحبي يالعنبـو المـوت فعيـون الغريـق = يهبي شعـرن يخذلـك وانـا حـي يهبـي
الشعـر لوهـو مقيـد بفكـه لـك طليـق = والرسـن بيديـك وانتـي تمنـي واطلبـي
اقسمـي باللـي خلقنـي وبالبيـت العتيـق = والا فريها علـى ( مصـر) وحيـاة النبـي
انـي بحضـرة جنابـك اذا جيتـي اليـق = والا فضيها.. وقولي قطيعـه وش تبـي؟؟
وأهجريني يضرب الحب والجرح العميـق = هجرة اللي ماوفـا لـي ولا طـال شنبـي
احسبنـي لاتعـزويـت بلقـالـي رفـيـق = لارفيـق.. ولاعـدو ..ولاحتـى صـبـي
من عرفت الدمع الأسود وانا حزني صديـق = لعنبو حزنـن اليـا طحـت ماوقـا ركبـي

المشاركة الأصلية كتبت بواسطة شافي القويسي المخاريم (المشاركة 378791)

المشاركة الأصلية كتبت بواسطة ابو فهد الغييثي (المشاركة 378794) صح السانك على القصيده الرائعه ولاهنتي على طرحها تحيااااااااااااااتي

المشاركة الأصلية كتبت بواسطة فيصل بن جزاء (المشاركة 379044) القديره كبرياء وشموخ الخيل قصيده جزله ورائعه وقافيه جميله صح لسانك وعلا شانك وننتظر جديدك خالص الود

المشاركة الأصلية كتبت بواسطة بنت الشايب (المشاركة 379050) قصيده رائعه بالفعل صح لسانتس حبوبه دمتي بود

المشاركة الأصلية كتبت بواسطة ســـطام الروقي (المشاركة 379356) حرف يحمل موسيقي فيه اشياء كثيره جدآآآ

المشاركة الأصلية كتبت بواسطة ابن فادر (المشاركة 379418) البحر تحت السفينـه وهـي شبـة حريـق والسمـا تمطـر وذا الغيـم مافـاد لهبـي والحيـاة وفلسفتهـا وفزعـات الفـريـق علموني كيف الأجناب تطمـع فـي عنبـي شموخ وكبرياء الخيل صح لسانك على هالرائعه بالفعل التي تنم عن شاعريه فذه