فكرت بالدنيا وأثر ماهـى بشـى=مدرى علام الناس تركض وراها
مـن خلقـت الدنيـا لأيامنـا ذى=والناس تطرد رزقهـا ماكفاهـا
مافيـه بالدنيـا ولاكاينـن حـي=الا يموت وعايش(ن) فى رجاهـا
حتى النبات إن زاد زراعتـه رى=قامت تخزن فوق حاجت ضماهـا
ماقول انا ماطمع نعم فالطمع فـى=انسان مثل الناس واطمع معاهـا
لكن حشى ماطمع بشئ(ن) مهو لى=ارفع قدر نفسـى وأبيـن غناهـا
راضى بمقسومى ومرتاح فى فى=ماشقيت نفسى فالسمـوم وهواهـا
حيث الممات بيطوى نفوسنا طـى=يبقى الجسد والروح ترفع سماهـا
والدوده اللى بالجسد تاكلـه نـى=كانت بوسط احشاه صار بحشاها
هذى هى الدنيا وذا فعلهـا السـى=قليل تلقـى زاهـد(ن) مابغاهـا
تتعاقب الاجيال فيها وهـى هـى=جيلـن يودعهـا وجيلـن لفاهـا
أحدن أخذ حقه واخذ فوقه شـوى=واحدن يمـوت وسكتـه مابداهـا

المشاركة الأصلية كتبت بواسطة هايف العماني صح الله لسان شاعرها ولاهنت اخوي الشرافي على المشاركه

المشاركة الأصلية كتبت بواسطة دغش البطي صح الله لسان شاعرها ولاهنت اخوي الشرافي على المشاركه تحياتي القلبية لك أخوك دغش البطي

المشاركة الأصلية كتبت بواسطة الواضح الله لايهينك أخوي الشرافي وصح الله لسان الشاعر