=تصفق علاوي غروقه برد الانوادي
=هيض جديد العنا مرقاه لا عادي
=ياغافر الذنب ياخلاق ياهادي
=كن التهامي حماره فيه من منقادي
=من خشم سنح الى لنكير من غادي
=قامت تعاقب عليه المزن الاركادي
=واللي يخيله يظنه ما قعد وادي
=خطوات سودا سناد حجزها بادي
=مثل الفحل عينها في كل منقادي
=كن راسها بادي في الرجم بينادي
=تركا نهل حوضها في يوم الاورادي
=وتفرع وتذرع ولا للضرب تنذادي
=تزله وتمله لكان حوارها غادي
=قامت تسيعب على من كان ورادي
=تقضع حكايم الاعنه تحت الاولادي
=مثل الحدايا بمركاض ومسنادي
=لا جا لعج الرمك في الجو عمادي
=والمنهزم مقطب باتلاه طرادي
=ترايعت يوم توحي صوت الاجوادي
=وهذي قليع بطلع الحبل تنقادي
=يوم زحام يفتر دفر الازنادي
=ينطح جموع تسير بغير عدادي
=مثل السليل مع الافلاج والوادي
=واكيال ملح لسبرات النظر زادي
=لاد زايد هل الطولات والقادي
=كل القبايل لها طولات وامجادي