يارفيقي كان قلبك على خلك عطوف=عالج اللي علته داخل الصدر الحزين
عاني وده يسير وتحداه الظروف=خايف قول المقرد وهرج العاذلين
مايرده غير ناس عطاها الله شوف=ولا تناظر غير في كشف ستر المسلمين
ياجماعة ضيفكم يلزمه حق الضيوف=في تقاليد القبايل وسلم العارفين
اكسبو في ضيفكم علم غانم وامعروف=تكسبون المغفرة عند رب العالمين
ضيفكم حاله تردا وله قلب شغوف=عاف كل البيض من شان براق الجبين
ينظر الترعات يمشن ولا كنه يشوف=ماتذكر غير حب مضا قبل سنتين
حظي اللي جابني عند كاملة الوصوف=في ضحى الاثنين والناس عنا غافلين
قلت يازين الوصايف ترا قلبي عيوف=ماهوى الا انتي لعلك بحاله تلطفين
قالت احذر من غرامك وعشاق الهنوف=النصيحة قف دام انك ضمن السالمين
قلت حبك مثل ضرب الخناجر والسيوف=اتحمل جور حبك لعلك ترحمين
قالت انت اليوم ماودك الدعوى تطوف=ماتسمع فالنصيحة وقول الناصحين
قلت انا قلبي معك وانت مادوك تروف=ارتبط حبي وحبك مع حبل الوتين
قالت ابغا المختصر وانت رجال عروف=لا تطول السالفه بين جيم وبين سين
قلت انتي غاية القصد واعجاز الحروف=ارسمك في صفحه العشق قلب وردتين
وضحكت ثم قالت اليوم قد طال الوقوف=انتبه للناس لا تحسب انهم غافلين
واقفت بليل تناثر على حد الردوف =بعد عين سلهمتها تغيض الحاسدين
وبعد خد كنه البرق في عرض القنوف=وبعد صدر شفتنا الموت منه مرتين
ومبسم كن الحلا والعسل منه امغروف=وزاينه صف الجواهر خلاف الشفتين
وقمت اناديها وناظرت للعالم وقوف=واستحيت وياعسا الله يعين المستحين
وابتدت رحله غرام بها القلب امخطوف=وانتهت لحظه وفا في حياة العاشقين
لجلها وقفت قدم المنابر والصفوف=انحت الابيات واخلي القاسي يلين
مادخلني من بيوت المنافس اي خوف=ولا انتبهت لصوت صيحات ناس ضايعين
ابذل الجزلة ولا جاتني الهزلات اعوف=واتحمل جور بقعا وصكات السنين
دامني ماهمني من يرصون الالوف=وافتخر في طاعة الله وبر الوالدين
جعل ماننفق من الواحد الفرد امخلوف=والصبر مذكور والله يعين الصابرين

ابذل الجزلـة ولا جاتنـي الهـزلات اعـوف **واتحـمـل جــور بقـعـا وصـكـات السنـيـن دامنـي ماهمـنـي مــن يـرصـون الالــوف **وافتـخـر فــي طـاعـة الله وبــر الوالـديـن جعل ماننفـق مـن الواحـد الفـرد امخلـوف**والصبـر مـذكـور والله يعـيـن الصابـريـن

ابذل الجزلـة ولا جاتنـي الهـزلات اعـوف = واتحـمـل جــور بقـعـا وصـكـات السنـيـن
دامنـي ماهمـنـي مــن يـرصـون الالــوف = وافتـخـر فــي طـاعـة الله وبــر الوالـديـن
جعل ماننفـق مـن الواحـد الفـرد امخلـوف = والصبـر مـذكـور والله يعـيـن الصابـريـن