المرجلة ما هي لشيب وشبان=المرجلة بحر طويل مداها
المرجلة ضلع عسير له اسنان=المرجلة ميزانها من خطاها
المرجلة تعطى لذربين الايمان=اللي مجالسهم بعيد رداها
وقصد فقير جاد من قل بلشان=يبا الجمالة والضيوف اعملاها
عطاه ربه واحرمه مال غرقان=في حق ناس مالها ما كفاها
المرجلة مثل الجينيهات لاحان=توزيعها كل يبا من وراها
والمرجلة في وقتنا اليوم لابان=هرش من التجار جود رشاها
لو قام من ضيفه هل البيت ما بان=هو من ضيوف البيت والا اقرباها
ولو حطوا له اشداد مركى على شان=يتكي عليه الخيل حطه وراها
المرجلة ما هي لشيب وشبان=المرجلة للي يعرف معناها

بديت باسم اللي له الخلق طايعه=رب العباد اللي له النفس مرضيّه
واصلي على اللي تابعين ٍ شرايعه=محمد الهادي عدّ ماهبّ شرقيـّــه
واهلّ وبل الشعر وافيـّض نقايعه=من راس شاعر له القيفان ماريـّــه
في وصف جملة من الناس جايعه=على عرض الرفيق الى غاب حربيـّــه
مالهم إلا سبّ هل الطيب وطبايعه=ربع خذوا حقهم وكاسبينه ذراعيـّــه
مادروا إنّـا مانحسّـب لسالفه ضايعه=ومن ناره موات غير من نارهم حيـّــه
المرجلة كسب وريحها بعطفنا فايعه=تشدي زماليق الزهر بعروض سيليـّــه
معارفنا رجال لها المعروف بصنايعه=علمنا الغانم تشيله الناس رديـّــه
رديّ القوم لاشافنا وبه البغض لايعه=يبتغي من طيبنا بس لو ربع نيـّــه
وختمة بيوت الشعر جت على آيعه=ومن يعصي نـدّبـه وياتي طواعيـّــه