عفى الله عن عين تعرض لهـا سامـوح= من أسباب شخص جاء من أقصاه غازيني
جذبني مثل مايجذبون الوحـش باللـوح=ألين أستحلو مهجتـي وأسهـرو عينـي
ألاحي حمام الورق لامن سجـع بالنـوح=وأنـا أقـول ياعـدأل ميـل الموازينـي
يخليه يشرب من غرام الهـوى قرطـوح=يذوق العنى اللي ذقـت حتـى يلاحينـي
يلاوأن رفيقـي جاهـل قلتنـا مسمـوح=فيلاكن رفيقي مخطي والخطـى شينـي
نصيتـه حزيـن وارد مظمـي ملحـوح=وهـو يـوم ساعـات الرفانـي يمنينـي
ورواني الماء قلتت(ن) دونهـا لحلـوح=صعيـب مجيـه مـيـر وده يعنيـنـي
وأنا أقدره وأدراه عندي سـواة الـروح=وأنا أحسبتناأنـه مثـل ماغليـه يغلينـي
أثاريه ممـا فيـه نفسـه علـي تفـوح=وأنا أقول مافينـي مـن الغيـظ كافينـي
وأنا طالبـك تعطينـي الحـق يالمملـوح=وحكم العدال ومقطـع الحـق يرضينـي
ترى الحق خشم طيب ينصف المجـروح=ويعطيـك ماتبغـاه مـنـي ويعطيـنـي
أنامنك مجـروح الظمايـر بلامصلـوح=ولالـي كفيـل ياهـوى البـال بيدينـي
ولولا مقال ويش قومـه يجـي ويـروح=لآجي كل يـوم وأطلبـك ليـن توفينـي