لكزس بيضاء تقل سكر نبات=جت من اليابان في ميناء دبي
فل فل ابشن وفل مواصفات=غايت مرادي وغايت مطلبي
ركبوا فيها لوايحها وجات =العدو يموت واللاش يهبي
جابها شيك حروفه ملفتات=يحمل اسـم اطلق (شنب حتى شنبي)
سـيدي فيصل وذات الاسم ذات=راس مالي سيدي ومعزبي
ثالث النهرين دجله والفرات =يارد الضامي عليه ويشربي
معجزه سبحان رب المعجزات=ياصلاة الله على وجه النبي
ياولد بحر الندى بنك الغنات=للمواطن والخوي والاجنبي
وياحفيد اعظم ملوك المملكات=في التاريخ الانجلش واليعربي
مايغلبك من عيال الامهات=كود عمك في الكرم مايغلبي
سيدي سلطان لاراحت وجات=سمعته فيها الغبي ماهو غبي
مدته تملى البطون الجايعات=وفزعته يسمن بها راس الضبي
اثقل من اطويق وجبال السرات=تشتبه ماتشتبه برق العبي
ابوخالد تبتلش فيه الروات=وش يخلي الراويه وش يكتبي
ان رمن اشيالهن المترفات=وانتخن في كل شيخ مجربي
قال صار الموت إخير من الحيات=مير هلي يالمنايا واقربي
يمتطي جرد السبايا المسرجات=والسيوف البيض يسباها سبي
خيلا العوجاء زبون الوانيات=هذا الاسم اللي مسمينيه أبي
حاتمي وزير بس الافتخات=فيصلي والزير سالم تغلبي
وانا معجب والقصايد معجبات=في ولد خالد عريب المنسبي
تارده الامداح من كل الجهات=وتعشق فعوله وطيبه حي ابي
واللحن والقافيه والمفردات=صادق احساسي وتعبي وجهدي
والختام الباقيات الصالحات=ياصلاة الله على وجه النبي