|
عشق بدويـ
نويت مرباع القضي سيد الأحباب قصـدي يزول الجـرح زاد التهابـه
جيت وبقـايا نارهم حـول الأطناب بيت الشـعر مطوي و باقي سحـابة أقفـت ركايبهم ومـني الهـدب ذاب من دمعي إسـأل وإلا هـاللي جابـه على غزير الدمع ضميت الأهداب صديت ليــن الدمـع يقفـي سحابــه بعض الوجع يمكن تداويـه الأعشـاب وبعض الوجـع ياويل منه سطابــه عشـق بدوي لحب ماهـوب كـذاب يوفي ولو جـرحـه تجـدد صوابـــه واليوم وصلتها بيننا مثل الأجناب ذاك الغـلى يا ضيعتــه يا سفا بـــه باكر اذا جــينا لهم مـثل الأغـراب مـن عقـب ما كنا الأهـل والقرابـة الأمر للـه وكـل شـيء لـه أســباب وإلا الهوى وشلي على فتح بابـــه وشلون قلبي ما يجي منـه منصاب على الرجـم منقوش بعض الكتابـة حتى أثر مشيه مع سهول وهضاب مــر يبيـــن ومـر ما ينـدرى بــــه قلبي مـن الفـرقى صويب ومرتاب كإنه غدى نصفـين من هول مابــه حـزني عليـه إنـه تسـبب ولا طاب نظـرة طبيبــه عجـلت في ذهابـــه ريح الخـزامى والنفل زين الأطياب يشــدني ريح الســمر في غيابــــه لأقبل نسـيم الليل له خيـل واركاب وله في طلوع الشمس عز ومهابه |
رد: عشق بدويـ
قصيده للشاعر الرائع
سعد الخريجي بس لو القصيده منسقه كان ياااسلام اشكرك على الطرح الرائع تحياااااااتي |
رد: عشق بدويـ
اقتباس:
والله ياخوي شافي ما امداني هماني مشغووووله حدي وقلت اطرح القصيده والشاطر اللي يعرف يقراها مثلك :icon10: |
رد: عشق بدويـ
الله يعطيك العافيه على طرح القصيده الرائعه وصح السان الشاعر
|
رد: عشق بدويـ
الف شكر على النقل الراقي والمميز وتسلم يمناك
وصح لسان الشاعر الكبير سعد الخريجي والشطر اللي يقول(بيت الشعر مطوي وباقي زهابه) وليس سحابه مجرد تنبيه والله يعطيك العافيه وبيض الله وجهك |
الساعة الآن 02:23 PM
 |
Powered by vBulletin® Copyright ©2000 - 2025, Jelsoft Enterprises Ltd.
---