::: مـنتدى قبيلـة الـدواسـر الـرسمي ::: - لهذية بن شيبان الودعاني الدوسري


	لهذية بن شيبان الودعاني الدوسري المتوفي 1170هـ . يالله يا باني سبع السما بامره = ومنين ما قال له يا تكون كاني طالبك يا ملتهم يا خير من نزهم = يا كاشف الضريا علام حيلاني اجعل حياتي على الدنيا على الرخا = واجعل مماتي على عفو ورضواني من أول داله من الهم ما ادرى به = والهم مهوب في بالي ولا جاني اشوف دنيا على الله يا مزينها = تاخذ على الناس غارات بلا رساني راحت رجال على الدنيا وحل بها = ناس يعيشون في كذب وبهتاني فاول ما اوصيك به رفقة هل الطاعه = من غر منها فهو ندمان خسراني ثاني ما اوصيك عن رفقة الخايب = لو هو غني ترى ما فيه ميداني واحذرك تجلس ابمجلس تاجر فاجر = يقلطك لاجل شهادات ودياني ولا تضم أحمق ترجي منافعه = الأحمق يغرك وإذا جاء الصدق ما باني أحمق سوات ابليس يغةي بك = مثل الربا ينمحق لو كان براني ساس الردى لا يغرك منه نفشته = لا حتجت نفعه تبين علمه الثاني الناس مثل الشجر ساتره ورقه = لاحت واهجر غدا شوك وعوداني والحظ يكسي رجال لا ثياب لهم = لو يسلب الحظ ما يسوون ديواني لاتحسب الدار زينتها مبانيها = ترى اصلها يا فتى طين وجدراني الدار ما تستقيم الا باهاليها = ولا لها زينة الا بسكاني اما سخي بماله واقف فيه = ينفق على الناس ويدري كل شيء فاني والا مطيع لربه راهب فيها = يتلي على الناس حديث وقراني والا يسود معفيةٍ جوانبها = بسيوف هند توطي كل شيطاني ما ودك عقبهم الا رحايلها = والا فباقي العرب عجولٍ وخرفاني اشوف ذا الجيل ما تبطي محبتهم = رفقة سبوع وعقب الولف شتاني يا وين بلقى صديق لي يشاكيني = لاضاق شاكيته ولا ضقت شاكاني يضحك حجاجه يبين لك سهالته = ماهو مسلجم وكنه منك زعلاني شفي رفيق أذا رافقته ارفق لي = وأن جيت أنا فزفي المجلس على شاني ياليت قصره احذى قصري يشاكيني = لاضاق شاكيته ولا ضقت شاكاني كم مرة جيت ابيه وعدت من دونه = من ذلتي من مشاذيب تقفاني طاري يقول رح له وطاري يقول ارجع = مذاهب الناس شانت يا بن شيباني ترى في العرب ثعلب ما ينعرف وجهه = هماز لماز فيه انواع شيطاني يا خالي المعرفة بالك تعاتبني = يا ناقص العقل ما شانك لي بشاني اشتف نجوم السما ء ما اكثر تلامعها = أي نفعها كلها والجدي لا باني اية سيوف الهنادي حين صقلتها = ايها وعباسي كله صدا داني وي الطيور الذي يرجى منافعها = أيها وبيض الجناحين أم عثماني يا علة طاولتني من قريب لي = اوحي وحمها على الانجاف يصلاني لاجيت بكنها تلهب ملايلها = وان جيت ابفضي فما عراه عراني احد تجي زرقته ورا بني عمه = واحد تجي زرقته في الجار والداني واحد يعرض بني عمه مخاطرهم = واحد يعرض بني عمه شحم ضاني بتظهر اقرود ولا تدري عواقبها = وتبرز أسود وتخيط الفتق لا باني تلقى أسود مبطحة مذارعها = تذخر ظفرها ليوم فيه عكناني وتلقى قرود منفشة مناخرها = تذخر ظفرها على الجيران والداني احد الى مات ما ينفقد موته = يدفن ويمسون ربعه نومهم هاني واحد أذا مات يا وسع فرجته = تسهر عيون وهي من فقده احزاني من وده الثعل والهر ربع له = ثالثهن النيص والرابع ضرمباني ومن وده أن الأسد والنمر ربع له = والثالث الذيب نعم الذيب سرحاني خاتم جوابي بالصلاة على النبي = الهاشمي القرشي آل عدناني واحة الشعر الشعبي ج/6 عبدالله بن حمير آل سابر الدوسري