الهجن ماهيب لك يالبايع الشاري=تهيا لمنهو ينوس العلم ويجيبه
كم ليلةً بتنا فضهورهن ساري=لاعود اللاش يبغي حرمة صحيبه
يازين داهومهن عافيهن الذاري=مع صحصحً خالياًجر العواذيبه
لاوردة منهلنًعقب العرب صاري=عفوناًجنابه ويباس مغاريبه
مكل الفرايس عليهن دايماًضاري=ون هون الحرب لاحقنا مشاهيبه
غرنا على البل تشرع جدولً جاري=يومً على القوم كلن ياخذ مصيبه
ثم التقينا وكلً بلغضب زاري=متقاسمينً شراراًمن مشاهيبه
رحنا بذيدانهم وسيقً نثاري=وعادتنا لا خذينا الطرش نقفيبه
لاصار ما للفتى فعلاُبه يماري=ما ينفعه فعل غيره لو يماريبه

المشاركة الأصلية كتبت بواسطة مترك المسعري عز الله إنها قصيدة جزلة عز الله إنه شاعر عز الله إنه امير و فارس وما قصرت على العموم الصحيح إنك وفقت في الإختيار لا هنت يالشرافي

المشاركة الأصلية كتبت بواسطة تركي الودعاني لاهنت يابوسالم والله يرحم الشاعر ويرحم اموات المسلمين