::: مـنتدى قبيلـة الـدواسـر الـرسمي ::: - مادامني شاعر وامثل قبيلة

- :: قسم الـشعر العــام :: (http://alduwaser.org/vb/forumdisplay.php?f=16)

- - مادامني شاعر وامثل قبيلة (http://alduwaser.org/vb/showthread.php?t=29655)

مادامني شاعر وامثل قبيلة

بسم الله الرحمن الرحيم
هذه القصيدة للشاعر : سلطان بن حسين المسعري القاها ليلة البارحة في حفل الشيخ : عبد الله الفصام واحببت ان انقلها لكم

يالله يا عالم خفا كل مابها=دعوة بسيطة مايضرك جوابها
طالبك توفيقك وعفوك ورحمتك=لا وقفت العالم بساعة حسابها
ولا وانا حيِ ملكت القناعة=ما غرني دنيا سريعِ ذهاها
يكفيني اني بين ربعي مقدر=واقدم الحسنا ولا ارجي ثوابها
افخر بربعي مثل ما تفتخر بي=اخضع لشايبها واقدر شبابها
وما دامني شاعر وامثل قبيلة=قبيلة بين العرب يندعابها
وقدمت في حفلة طوال اليماني =ربعي على حلو الليال ومصابها
مطلوب امثلهم واصون القصيدة=والمبتدأ بالله ليا فتح بابها
عيبِ علي لن كان ماجملتني=وعيبَ على ان كان ماينحكابها
يوم اجتمعنا عند راعي النبأ الحسن=شوق الهنوف اللي تنقش اخضابها
عبدالله الفصام وان قلت ويش اقول=الشعر يقصر والمعالي رقابها
لو كثرت الهقوات ماهيب تعجزه=خلا الردية والثمينات جابها
دخل قلوب الناس بالصدق والوفا=رايه حكيم...وكلمته في صوابها
بسمه هلا ترحيبةَ تجلي العمس=في سلمنا وسلم العرب يبتدابها
يا مرحباَ ياللي عنيتو لدارنا=وجموعكم يا ربعنا مرحبابها
اهلا هلا عد ماتخظر الدير=واهلا وسهلا عد بدوِ رعابها
واهلا هلا نعجز وحنا نقولها=يالابة رووس القبايل تهابها
انتم لكم في صفحة الطيب مكتبة=افعال للتاريخ كل قرابها
افعالكم مثل النجوم المطلة=ومن تاه عن عسر الطريق اقتدابها
بقوم يوم الناس فيها وفيها=اسم وفعل ترقا مراقي سحابها
مكرمين الضيف والجار والخوي=سلمِ لكم وجدودكم قد مشابها
وتعرف فعايلكم ليا ثور الكدم=لا ثارت الهيجا وزاد اشتبابها
تردون حوض الموت لاحان واجبه=والعديه الاولى مع من عدابها
كم من هنوف فرقت عن حبيبها=من فعلكم قامت تشقق ثيابها
وانتم فعايلكم ما تحتاج مدحي = شعري قصر ولا يوقي نصابها
لنكم فعايلكم على الناس ظاهرة=وقصيدتي شمس طبيعي غيابها
واقولها وانا على الطيب والنقا=دواسر قام الفخر واحتفابها
يشهد وقت الجهل وسمت العصا=من شالها يبغا النجاة ونجابها
وتشهد لنا قصة جريس اليماني=القصة اللي كل حي درابها
كم هجمه صدت وكم هجمه لن=وكم روس قوم قام ينعق غرابها
ما نذبح الا الشيخ في ساحت الوغى=لعيون سود مثل نابي هضابها
حامينا بالسيف ونورد القنا=ومن دونها الجدعان ترخص شبابها
نارد كما ابو زيد والزير سالم=وكليب والضربة بشلفا ذيابها
وكل القبايل ما نرخص حقوقها =الله عطاها والسبايب سعابها
في كل لابه حقها من رجالها=تحفي على درب المراجل ركابها
ومن يفعل الناموس يعرف ويشتهر=والطيبة من حظ منهو سعابها
هذا وحنا اليوم في ديرة الرخا=ولابه عصبية عسى ما غدابها
في ظل اخو نورة ذرانا حزامنا=لا كشرت سوت الليالي بنابها
عبد الله ابو متعب اللي رقابنا=في قمة كل الدول ما رقابها
جزاه عنا الخير دنيا واخرة=حيثه تعب في دولته واعتنابها
ها لشعبه ما يوفر سعادته=وحقق لشعبه مفخرة ما حلمابها
الله يديمه ذخر ويديم نايبه=سلطان سعد اللي شكت من عذابها
هداج تيما ما تعدد وصايفه=فارج كروب الناس معتق رقابها
غلاه في قلب الصغير وشايبه=كم دعوة له في الظلام الهجابها
ولابد نذكر في المدح راعي المدح=اللي سكن في نجد وانو ترابها
سلمان راعي المجد تكفيك نظرته=عين الحرار اللي تشوف العشا بها
سيف العدالت فيه من كل ميزه=وكل المزايا سيدي خصنا بها
الله يديم اخوان نورة على الحكم=شجرة وفا ما خاب منهو التجابها
الله ينصرهم على كل معتدي=والله يخرب نيه اللي نوابها
واختامها صلو عدد رايح الهوى =على نبي سيرته يحتذابها

وسلامتكم