لو كل شخصن محصل مايبيه=معاد به أحدن معنى في حياته
مايطلب ويشتهي قدامه يجيه=عايش ومتهني في كل حالاته
بس البلا ياصاحبي في أللي أبغيه=هاك اللغز ياصاحبي والحل هاته
ان كان الحل تبينت لك مواريه=ولا فلى يكثرن ياسعد رمعاته
صاحبك مشعان أخلفنه هقاويه=يحسب لها ميرمافادنه حساباته
واعزي لحالن به البعد طاويه=وعزي لمن صواديف بقعى جاته
هذاك اللي همومه دايم تباريه=في كل وقته وفي كل ساعاته
وياحظ من هو زمانه مصافيه=يدمح سيته ويجازيه بحسناته
وياتعس من هو زمانه مجافيه=الحظ متردي والخير فاته
ولوكل شخصن محصل مايبيه=معاد به أحدن معنى في حياته
العمر ولى وأتعبتني لياليه= ضاع العمر مابين وده وهاته
وانا بصلفات القيوض وصواليه=يامن ورد للماء وضاعت عباته
الرجل يصبر والليالي تنسيه =يكبر وينسى لين حتى مماته
ما كل ماهياله الوقت يبغيه =وماكل من علق له أمال جاته
وما كل من يبعد عن العين تبكيه=وماكل من يحسن تشاف أحسناته
وماكل من لك ضحك سنه تخاويه= بعض ألاوادم مثل باقي خواته
وأياك والثرثار لاتنخدع فيه =ترى الرجل ينبيك عننه أسكاته
وستحقر النمام لاجاك طاريه= خله بعيد ولا تسوي سواته
وترى الحسد ماعانق الخير راعيه=اسود ضميرن شال كره وشماته
ومن قدم المعروف فالناس تكفيه=ولامن بالمعروف قلت طراته
والرجل مايفخر بتارخ ماضيه = مجدن مضى ماله شبر فيه فاته
يفخر بكرم أخلاق وسما مباديه= أول بدينه ثم قوت صلاته
وأن صد عن دربك عشيرن وتغليه= فخلك جزوع ولا تبين غلاته
ياصاحبي مافيه مافيه مافيه= حبن بقى ماغير الوقت ذاته
تمشي على درب الهوى أعقول وتيه=لاوصلت لحده ولا نوت نواته
والوقت عرفنا على وجه ووجيه=وجهن رضي ووجيه خبث وغباته