يامل قلبٍ كل ماقلتنا سج = قام يتذكر ماضيات السنيني
شر الهجوس الواجده رجته رج = رجة ابولفٍ رجها بانزيني
إليا طرالي راعي الرمش الأدعج = عى لذيذ النوم عن موق عيني
ابو ثمان بيض مافيهن افلج =والنهد في صدره كبر حب تيني
والجسم لامن اعترض كنه اعوج = يشبه لعود الساج خضرٍ يلني
والعنق عنق غزيلٍ ذير وهج = إلى إلتفت من فوق عرض البطيني
حبه قطع قلبي يخج الحشاءخج = خجت سكاكينٍ بجلد السميني
يابن شهبان اليوم ياوين ابنهج = ولو صحت بأعلا الصوت وينه ويني
وحار الهجيج وصايرٍ كني اعرج = ولاتصفق اليسرى بليا يميني
وإن كان لك قدره وحيله وتحتج = فقنع وليٍ حال بينه وبيني
من دونها ناس عليه تنافج = ولاضنتي بالزين لي مرخصيني
يوم انتخيبك عارفك تقطع افرج = ذيبٍ تعشى من حلال القطيني
والحب مابه عيب للي تولج = يابومبارك سنة المسلميني
بصري ماتاب من الهوى عقب ماحج = دنق يحب وحب ورعن حسيني
قال اتركوني ساكني بالهوى عج = ولالي عن اللي ينكتب في جبيني
يامرحبا ترحيب ناره توهج = يجذب سناه الورد والصادريني
ترحيب يابداح وافي مدبلج = على الوفاء والطيب للطيبيني
بالي نصا يشكي هواء الخل الغنج = ويقول حالو دونه الخاربيني
وينخا ويبغاله طريقٍ ومنهج = وواجب أنلبي نخوة المنتخيني
واجب ومن يترك مواجبه يفلج = يفتح عليه الباب للمدعيني
يالي على اسندت تشكي ومزعج = لك بأبذل المجهود والله يعيني
كنك على هداج تيما تبرهج = في لازمك بنقوم مانستعيني
بالجاه ولا المال دامة تعالج = فلها بجيب علا ج ومعالجيني
مادام فيها حل والباب مزلج = ما أبغاء العبث قبل الحدث لي عويني
وإن كان حار الطب الأطرم تهرج = ويصير علمٍ والنتايج تبيني
نارد وعقب الضيق لا بد تفرج = ويصير عقب الحلم علم يقيني
ماعاش من لاهاش بالسيف الابلج = يموت مكفوف البصر واليديني
لكن قبل يصير علمٍ يروج = نبغا الوسيمه وانت رجل فطيني
روحت دوارٍ وعود ولا انتج = والعذر يابن سعود جابه سميني
قال الذهيب الغفل تطرد وتولج = وتذهب وتذهب بأثرها المذهبيني
يقوله الي بعد درسه تخرج = والعرف مايعرض على عارفيني
جاك الجواب ورحلتي بالمدرج = وجهلها لا تحير القادميني