بسم الله الرحمن الرحيم


( و اخترت أنا بعد السلاح الدفاعي )


قلت هذه القصيدة بمناسبة نقلي من قطاع حرس الحدود إلى قطاع الدفاع المدني في عام ر1415هـ :

يا الله يا عالم خفيات الاحوال = يا اللي على رزق المخاليق راعي
يا و امر عبده على كل ما قال = و تنام خلقك و أنت يا رب واعي
و اطلبك طلبة من تلجاك و يسال = آمن بقولك و أنت قولك مطاعي
و عبر عن الهاجس حسينات الامثال = مثايل بين النشاما تذاعي
خذت القلم و استر سلت دق و اجلال = و خذيت منها فكرةٍ و انطباعي
و اسبابها وقتٍ حداني على الجال = و ضاقت علي بعض الفجوج الوساعي
وقت يقزيني مع كل منوال = و خذيتنا به سجة و اندفاعي
عشر سنوات بين صحراء و هيال = و الصبر زين و الليالي متاعي
و الصبر محمود العواقب ولو طال = و اصبر على الشدات و ارفع شراعي
و الصبر مفتاح الفرج مابه اجدال = و من لا صبر حبله تقطع و ضاعي
و حياتنا من بين نازل ورحال = و باسبابها فارقتنا من قطاعي
تومي بنا من بين الاقفا و الإقبال = ولا ظنتي بعد الفراق اجتماعي
و اللي حداني لين غنيت في الحال = فرقا القطاع اللي طبوعه اطباعي
فيه الرجال اللي من الطيب تكتال = اللي على باب المخوة تراعي
عز الله انه يجمع ازحول و رجال = و الكل منهم في المهمات و اعي
عز الله إني فيه مادور ابدال = مليت اناه من الشقا و الضياعي
و عرضة قطاعات الوزارة بالاشكال = و اخترت أنا بعد السلاح الدفاعي
نبحث عن العيشة و مع راحة البال = و دعتهم و أنا ما اريد الوداعي
و حضرت أنا في مركز كله ابطال = تقول يدعيهم على الطيب داعي
قوم على كل المواجيب تحتال = قبايل يوفون شبرا و باعي
و ريسهم ابن صرير حمال الاثقال = منعور فايح راس قرم شجاعي
من روس قومٍ من قديمات الاجيال = افعالهم بين القبايل تشاعي
افعال قحطان قديمات و اجزال = اللي تروع كل قلب رعاعي
و ربعي لهم في قمت المجد منزال = الاد زايد موسعين الرباعي
ربعي و أنا منهم على كل لحوال = و من فعلهم يبقى طويلٍ ذراعي
ربعي بساعات القسا ترخص المال = ذا قول من هو للحقايق يراعي
و ربعي اللي جافيه عاذل و عذال = ارواحهم عند الملاقا تباعي
بدون هضم احقوق ذربين الافعال = اللي لهم صعب المواقيف طاعي
فيا الله يا منزل تبارك و الانفال = اجعل لنا في كل ظلما شعاعي
هذا و اصلي عد ما هل همال = على الرسول اللي للإسلام داعي

***

رياض
من الأدب السعبي

جمع و تأليف
مبارك بن سيف بن غالب بن ذهيبان آل حميد الدوسري