::: مـنتدى قبيلـة الـدواسـر الـرسمي ::: - حسن بن فلاح ال تني الودعاني الدوسري ... رحمه الله

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

حسن بن فلاح ال تني الودعاني الدوسري ... رحمه الله

السلام عليكم ورحمة الله وبركاته

اخواني إداره ومشرفين وأعضاء وزوار موقع ومنتدى الدواسر الرسمي

اسمحوا لي ان اشارك بشعوري في فقيد يستحق الرثاء وشوي بحقه

خلق رفيع دماثة أخلاااق ملبي الصغير قبل الكبير
حبه لجماعته ومن يحمل اسم الدواسر
الله يرحمه ويغفر له ويجعله بجنان الخلد
لم اعرفه الا لفتره بسيطه
ولكن والله يعلم بانني كاني عرفته من سنين
وحزني عليه اكبر من قصيده كتبت بصدق

لاادري ماذا اكتب ولكن يمكن شعوري ترجم القليل منه بهذة القصيده
التي لاتعبر عن مدى حزني ومدى قيمة الرجل / حسن بن فلاح رحمه الله

اليكم : وارجو المعذره.

ياأله الكون يالفرد الصمد رب الخلايق=اسألك ماغيرك اللي نسأله صبر وثباتي
مومنين بالقضاء يوم القضا ماعنه عايق=حكمة الله والقدر لاحان مامنها نجاتي
لو جزعنا في غياب اللي رحل والبال ضايق=مالنا غير التوجد والدعا له بالصلاتي
الفقيد اللي خذاه الموت والدنيا بوايق=راح جعله في جنان الخلد بأذن لله يباتي
ياحسن برثيك وعيوني من ادموعي غرايق=عقب فقدك ياحسن وش عاد باقي في حياتي
سيرتك والشاهد لله عند تفصيل الدقايق=سيرة عطرة وتحفضها دولايب الرواتي
اشهد ان ماعاد لامثالك على الدنيا علايق=كامل والكامل اللي حط بك زين الصفاتي
ياسلايل من بنا للسالفه فعل وطرايق=مودي جاره من جداره سنين ماضياتي
فيك منه وعنه وعيونك على العليا توايق=والحميه لبن عمك بالمراجل حاضراتي
مايفوقك بالشهامه والكرم والصدق فايق=غير من علمك معنا الطيب في عرض الوصاتي
المبادي ثابته والفعل مايبغي وثايق=ياعزيز النفس ماتصعب عليك الكايداتي
يوم غيرك سايقه للمصلحه عشرين سايق=يملكون المال لكن مايعرفون الزكاتي
انت بالنفس الغنيه شايقك للعز شايق=سمعتك يذكر صداها ياحسن باربع جهاتي
جعل قبرك من رضى لله روضة ازهور وحدايق=وصالح الاعمال خير الباقيات الصالحاتي
يابن جارلله مدام الشعر توثيق وحقايق=من غلاك الوصف يعجز ماتوفيه اكلماتي
كل ماكتب بيت اشوفه قاصر ماهوب لايق=انت فوق الشعر وبيوت القصيد الشامخاتي
قلت ابا كتب صادق اشعوري ولو مانيب رايق=المهم اكتب وعبر عن لهيب وسط ذاتي
ياعسى يجبر عزا قلب تواقد به حرايق=كلما تطري عليه يجر ونه وعبراتي