دخلت احد المنتديات وشاهدت مرثيه للشاعر الكبير احمد الناصر في ولده

وحبيت انقلها لكم

نـهار ثالث عــقب عيــد رمضــــاني = ناس عطاها الله وناس محرومه
أحداٌ قضى عيده ســــلام وتهانــــي = وأحداٌ توصله الكواكـب همومــه
صادفت صدفه من صدوف الزماني= منها قوي الحيل تفتــر عـــزومه
هذا زمـــان الهـــــم والإمتحانـــــي = وقت على قلبي تعاقــب سهــومه
الاولــه كـــامل جميـــــع المعـــاني = مزبن المضيوم شرع الخصومه
محمــد اللـــي فالقســـى والليــــاني = عقبه سمـايه غــــايبات نــــجومه
والثانيــه باقـــرب قريــب ودانـــي = خامــس عيالي يوم جتني علــومه
قـالوا مابين الخـــاصره وحلبــاني = ولدك مـات اللـي تـرجـى قـدومـه
جـاء يومه المـوعود باربـع ثواني = قـلت السـبب قـالوا دنا منه يـومه
عــلم عـلى الكبد الصخيفه كواني = كـية عطـب ما تنشكـى للحكومـه
تهشمت كـــل الضلوع المــحاني = مـفجوع والمـفجوع ماحداٌ يـلومه
أخذت لي ساعـه وأنـا في مكـاني = حسبت لي عشرين طيحة وقومه
ألـيا بغـيت الهـرج ييبـس لسانـي= والذاكره عـندي تـقول معـدومه
قــمت أتلــفـت وتسـمـع بـاذانـي = مـن شـاف حـالي ماتهنـا بـنومـه
مما بقـلبي رحـت باللـيـل عـاني = للـموتر اللي مابقى ألا رسـومــه
عـن روحـتي ياليت ربي نهـاني = ولا شفت دمه ساٌيـح في هـدومه
قـمت ودفنتـه والـله المـستعـاني = في خـرقة بيضا عـليه مـحـزومه
يـم الـقويـعيـه بـلاد قـحـطـانــي= والـحر غـير لون وجهي سمومه
وأقفيت من عنده وعشري ثماني = مـثل المـصبـح والبـلاد محكومـه
والله لـولا نـي وســيع البطانـي = لا صكها مثل أشقر الريش حومه
طاوعت نفسي مير عقلي قواني = عـن الخطا ما فيه نفس معصومة

الله يرحمه ويرحم اموات المسلمين

أخذت لي ساعه وأنا فـي مكانـي=حسبت لي عشرين طيحة وقومـه
أليا بغيت الهـرج ييبـس لسانـي=والذاكره عنـدي تقـول معدومـه
قمـت أتلفـت وتسمـع بـاذانـي=من شـاف حالـي ماتهنـا بنومـه

المشاركة الأصلية كتبت بواسطة فهد الغريري أخذت لي ساعه وأنا فـي مكانـي=حسبت لي عشرين طيحة وقومـه أليا بغيت الهـرج ييبـس لسانـي=والذاكره عنـدي تقـول معدومـه قمـت أتلفـت وتسمـع بـاذانـي=من شـاف حالـي ماتهنـا بنومـه الاخ الفاضل الـــــشــــكـــــري بيض الله وجهك على هذا النقل الرائع اختيار موفق الله يبارك فيك. نسأل الله ان يغفر للميت ويعوضهم خير. اخوك / فهد الغريري

المشاركة الأصلية كتبت بواسطة تركي الودعاني الاخ الفاضل الـــــشــــكـــــري بيض الله وجهك على هذا النقل الرائع اختيار موفق الله يبارك فيك. نسأل الله ان يغفر للميت ويعوضهم خير. للمعلومه الشاعر الكبير احمد الناصر هو من المساعره الدواسر

المشاركة الأصلية كتبت بواسطة دغش البطي الاخ الفاضل الـــــشــــكـــــري بيض الله وجهك على هذا النقل الرائع اختيار موفق جداً جعل ربي يبارك فيك. نسأل الله ان يغفر للميت خير المغفره ويعوضهم خير. تقبل الود والتقدير أخوك دغش البطي

المشاركة الأصلية كتبت بواسطة العماني الله يرحمه ان شاء الله ويسكنه الجنه ويصبر اهله لاهنت اخوي بوعبدالله على ايراد القصيدة تقبل تحياتي،،

المشاركة الأصلية كتبت بواسطة ابن ادريس شكراً لك اخي الكريم على القصيده وبيض الله وجهك

صادفت صدفه من صدوف الزماني=منها قوي الحيـل تفتـر عزومـه
هـذا زمـان الهـم والإمتحانـي=وقت على قلبـي تعاقـب سهومـه