يالله المطلوب ياعالم خافا الامور = يامـدير للهبايب ومنشـي الممطـرات
ياعليم ماتكنة خفيات الصدور = ياجـليل المـلك يارب كل الكاينــات
ياولي تولج الليل بأطراف النهار = نطلبك في الموقف الحرج عفوك والثبات
وإهدني في مانويته لدرب الرشاد = ياعـليم الخـــافية ياعـليم الـبينات
شاعر موهوب والحفل عند ربعي ومعزوم =ويـش باقي بذخرة للـيالي المقبلات
قربوا بيض الصحايف وهاتوا كاتبين =وسجلوا هيض المشاعر بعد غابت وجات
حضرن من عقب ماغيبن وقتٍ طويل =شردٍ عن قاصر الباع يابن عايفـــات
وسمهن واحد وعشرين وفهم يافهيم =وعينتهن في نحور البنات المترفـــات
شردٍ من صيد فكرٍ يجبن اللي ثمين =جابهن من منجم من الشوايب صافيــات
وأمدح اللي فعلهم بان في وقت اللزوم =موقفٍ يجبرني أقول ماش إمجــاملات
من دعم من حر ماله عسى عمره طويل =ترفع البيضا لهم فوق رووس النايفـات
ومن توخر عن هل الركب ماهوب إمعذور =ويش عذره دام ياجد بترك الواجبــات
فكل شغل نركنه لابدى وقت اللزوم =نجمع اوراقة ونودعة ضمن المهملات
وبعد موجزت القصيدة يجي علم جديد =أسمعوا مضمونها في البيوت المقبلات
اتقدم وامدح اللي يسدون اللزوم =في ظهور الجيش ولا ظهور المسرجات
واجب من واجباتي وهم يستاهلون =والعلوم اللي توحون مصدرهن ثبات
مستمدة من تواريخ جيل بعد جيل =في السنين الماضية والسنين الحاضرات
اويشهد ابن مطرف وشاهدة قوز الشريف =اويشهد ابما اقول ضرب السيوف المرهفات
واقفوا دون الدخيل اوطليبه مايشوف =جاء عمى مايشوف وانكف عيونة مبصرات
فعل من فعل الدواسر يشرف قايلة =واتنومس يوم اعد الفعول الثابتات
اوفعلنا يوم المرد ايتورخ ومعروف = واضحٍ ماقول اظن الدعاوي بينات
ولو حصل في الأمر تحريف ماشي يضيع =اوتكفي الحر الإشارة بدون موضحات
والدواسر لو بعدد جميع افعولها =تشرق اوتغرب ونا اعد وجف الدوات
ولا ينقص مدح ربعي طويلين الشبور =كلٍ ابفعله وماضيـة تروية الروات
ادخل الله من الأجاويد مهضم حقهم =الله أنه يحول بيني وبين الناقصــــات
اوسامحوني ياهل العرف كان بها قصور =اوتمت وصلوا على اللي كمل كل الصفات

يعطيك العافيه

بيض الله وجهك