يا مـل عيـنٍ فـي محاجيرهـا شـوك=والقلـب بـه عـن لـذة النـوم تكـاك
لا دك فـي قلبـي مـن الهـم داكـوك=جاوبت طربات الحمايـم علـى الـراك
عزي لحالـك يـا عزيـز وأنـا ابـوك=كان الزمـان اللـي توطانـي توطـاك
إفهم وصاتـي يـا عزيـٌز وأنـا أبـوك=دامـك صغيـر وغايـة العلـم يقـراك
تـراه مـا ينفعـك خالـك ولا أخـوك =لا صار مـا تقضـي لزومـك بيمنـاك
وربعك ليا بـان الخلـل فيـك عافـوك=أقرب قريب ٍ لك مـن النـاس يشنـاك
إن كثر مالك صدقـواّ لـك وطاعـوك=وإن قـل مـا بيديـك شانـت حلايـاك
لو تطلب الما عندهم كـان مـا أسقـوك=إبعد مـزارك عـن وطنهـم ومربـاك
وإن طاب حظك صدقوّا لـك وحبـوك=وإن بار كلٍ مـا يبـي غيـر فرقـاك
وإليا إعترض لك من صروف النيا صوك=كـلٍ تبـرَا منـك مـاهـوب ويــاك
هراجـة المجلـس إلـى جيـت وروك=منـازل ٍ تطـرب نظـيـرك بدنـيـاك
وإليا قضـوْ منـك اللـوازم وخلـوك=تفرقوْا وأنـت إحتمـل كـل مـا جـاك
كنـك سـراج البيـت للنـور شبـوّك=وإلى إنقضى اللازم حدا الربـع طفـاك
وألا كمـا ليمونـة الحمـض مصـوك=وإلا قضى منهـا الطعـم فرغـوْا ذاك
واللي يجي من رفقتـه ريـب وشكـوك=إحـذر عنـه ليـاك تصـدف بمسـراك
وإليا جفوك أهـل الوطـن وإستخفـوك=قلّـع غريسـك منـه وإهـدم ركايـاك
تراك لو تنجع علـى الربـع صعلـوك=أحسن من اللـي نلتجـي بـه وياطـاك
عطهـم وضيفَهـم إليا منـهـم جــوك=وإغلـق ضميـرك لا تعلـم بقصـيـاك
إن طبت ما حبوّك وإن عبـت زالـوك=تمضـي حياتـك ناقـل ٍ داك بـرديـاك
وإليا نفـوك إمـن الوظيفـه وعافـوك=خفـتّ موازينـك وكـلـن تهـقـواك
وإصحى لخـلان الرخـا لـو تغالـوك=إعف ترى أطيبهم إلى إحتجت يجفـاك
كنك خـوي مقيـط دهـووك وأغـووك=وحقك عطاك رشـاك وأقفـى وخـلاك
وإحذر عن العلة ترى الحـق مـدروك=مثل العمـل يدركـك مـا منـه فكـاك
وإن كان عدوانك على الضيـق حـدوك=فإخصـم طلابتهـم بعجفـاك وقــداك
وإن كانهـم لمشـرّف الحـق ماشـوك=ناظـر مطاليـع الفـرج قبـل مبـداك
وإن طاوعوا شيطان الأنفـس وهانـوك=فإصبر على البلـوى ودفنـك رزايـاك
زرهـم تـراك إليـا تونـيـت زاروك=إن ما بديـت لصاحـب السـو يبـداك
ما دامهم مـا طاوعـوا لـك وعرفـوك=إضرب على الكايد إلى عمسـت ريـاك
لو هذبوك إمـن المصـاوب وضـدوك=مـا يذبحونـك قبـل تدنـي منـايـاك
وإحلم على الجاهل ترى الحلم مبـروك=وقم للضعيف اللي مـن الظيـم ينخـاك
وإدمح خطاجيـران بيتـك إلـى أوذوك=ترى القصير وحرمـة الجـار بحمـاك
عطهـم لـوازم حقهـم لـو تنـاسـوك=في كـل مـا يصلـح لدينـك ودنيـاك
وقم للضيوف اللي لفوا لـك وضافـوك=أغلـى كرامتهـم حجاجـك وبشـراك
وإعرف ترا مالك للأضيـاف مشـروك=لولاه يطلب حاجتـه منـك مـا جـاك
وقم للرجال إن رايعـوا لـك وحبـوك=وإحشم خويـك وأكرمـه عنـد ملفـاك
وإلى إعتبـرت بسيـرة النـاس كفـوك=ما كثر مـن شـي أتعبـك ثـم عنـاّك
ولـولا تبـات بهـمّ دنيـاك مظـنـوك=ما طاب لك مـا دام لـك وإفتهـم ذاك
لو يطلبون إخفايك النـاس مـا أخفـوك=الرجل مثل النجـم فـي كـل الأفـلاك
وصلاة ربـي عـدّ الأوراق والشـوك=أو نـاض بـراق ٍ ومـا هـل سـفـاك
على الذي ما فيـه ريـب ٍ ولا شكـوك=امحمـد ٍ مــا دك بالقـلـب دكــاك

المشاركة الأصلية كتبت بواسطة فهد الغريري الشاعر المبدع ابو محمد "دغش البطي" بيض الله وجهك على هذا القصيده الجزله لشاعرالكبير سليمان بن شريم رحمه الله اسأل الله رب العرش العظيم ان يغفر لشاعر ويبارك في ذريته. واسأل الله ان يهنيك في عمرك يابومحمد بما تتحفنا من قصايد وعلوم غانمه. اخوك / فـــهــــد الـــغـــريــري

المشاركة الأصلية كتبت بواسطة أبوفهيـــد رحم الله سليمان بن شريم وسلمت يمينك على النقل ياذيبااان دائما تتحفنا بمواضيعك الطيبه لاعدمناك طال عمرك ولاتبطي بجديدك ،،،

المشاركة الأصلية كتبت بواسطة العماني قصيدة تعتبر من درر الشعر النبطي لاهنت اخوي دغش على الاختيار المتميز الذي يدل على ذوقك الرفيع تقبل تحياتي،،

المشاركة الأصلية كتبت بواسطة mohammed شكراً لك اخي الكريم على هذا المقال

المشاركة الأصلية كتبت بواسطة ابن هديهد دغش البطي مرحبا ومسهلا بك يابومحمد عسى من أرثك فالجنه قصــيده جزله وعزالله أن معانيها وارده وعسى عزيز حفض وصات شايبه واننتظر جديدك المميز والك مني جزيل الشكر وتقدير والود والأحترام محبكم. ابـــن هـــد يـــهـــد