|
مجنون ليلى؟؟؟
السلام عليكم ورحمة الله وبركاته اسعد الله اوقاتكم دائماً وابدا اولاً اعتذر عن التأخير الخارج عن ارداتي ثانياً حبيت ان اصافح قلوبكم بهذه الغزليه المتواضعه اتمنى ان ترتقي الى ذائقتكم الشعريه الرفيعه مع اجمل تحياااتي واغلاااهااا..
ياغايتي وامناي ياجرحي ودائي والدوى = مالت بساتين المحبه لك تهز غصونها احيي عروق(ن) يابسه والعود لامنه ذوى = يحيه همال (ن) تهله فوق لـــ..رض مزونها وانتي ربيع القلب وافراحه ولو طال النوى = باقي على عهد المحبه مانويت اخونها يالذة العشق النقي يضماك قلبي ماروى = منك اتلذذ كل طعنه ماشكيت اطعونها تسري بي اشواقي على طاريك ويهب الهوى = بين الضلوع اللي سكنتي عرشها وركونها اسوق لك صدق المشاعر فوق خط الآستوى = اليا اهتنت بعض القلوب اللي تنام عيونها اقنب كما ذيب(ن) حداه الجوع لاجر العوى = والجوع موت(ن) لـــ.. سّباع اللي تحدّ اسنونها ان كان قلبك مثل قلبي قام يطرقه الهوى = عزالله انك مثل ليلى وعشقت مجنونها اشوفك ابعد من نجوم الليل وارهيك رهوى = اشفي عليك ولالقيتك ماتصيب ضنونها ياحلمي المأمول بالدنيا رفيع المستوى = انا على هقوتك واكثر ..ما..أجي من دونها الوقت ضدّي والعرب والدرب وقّف والتوى = والحظ لامنه برك زوّد عليّ حزونها الصبر مفتاح الفرج لاكن قلبي ماقوى = وشلون يصبر والعيون مفارقه مضنونها ياسلوتي حنّي عليّ وصارحيني بالهوى = ولاّ بلاش من الهوى ليلى نست مجنونها |
رد: مجنون ليلى؟؟؟
صح ألسانك وعتلى شانك
بيض الله وجهك وجعل يمينك دايم الدوم سالمة يا أبن عمنا الغالي زابن بن محمد دمت بود ولاتحرمنا من جديدك تقبل شكري والتقدير |
رد: مجنون ليلى؟؟؟
وانتي ربيع القلب وافراحه ولو طال النـوى
باقي على عهـد المحبـه مانويـت اخونهـا يالذة العشق النقي يضمـاك قلبـي مـاروى منك اتلذذ كـل طعنـه ماشكيـت اطعونهـا صح لسااااااانك وصح كلــك يالقرم ,, عز الله انها قصيدة جزله وطيبه يابو محمد ! وهذا ليس مكانها , مكانها في شعراء المنتدى !! لا تحرمنا من جديدك ومن غزلك يابو محمد ,, لا هنت ,, |
رد: مجنون ليلى؟؟؟
مبارك الخييلي
هلابك وبمرورك الراااائع واطراءك الرااااااقي لاعدمتك ولاعدمت حصورك الطيب لك تحياااااتي لاكن عندي سؤال القصيده من نقلها الى قسم الموهوبين لاكن بيض الله وجيهكم على العموم |
رد: مجنون ليلى؟؟؟
الشاعر القدير زابن بن محمد الدوسري
من طول الغيبات جاب الغنايم صح الله لسانك مدد مهوب عدد على القصيدة والأبيات الرائعه ، وبيض الله وجهك ، ونحن نطمع بالمزيد من ابداعاتك الشعريه . دمت مبدعاً |
رد: مجنون ليلى؟؟؟
ابن دوسر
صح بدنك ولاهنت على مرورك الطيب ياطيب لاعدمتك ولاعدمت اطراءك الراقي لك تحيااتي |
رد: مجنون ليلى؟؟؟
|
رد: مجنون ليلى؟؟؟
اشوفك ابعد من نجوم الليل وارهيك رهـوى=اشفي عليـك ولالقيتـك ماتصيـب ضنونهـا
الشاعر زابن الدوسري مع اني ما اعلق على القصايد الغزلية الا ان النص الجميل يفرض نفسه على متذوق الشعر.صح الله لسانك وجمع الله لك شملك بالحلال |
رد: مجنون ليلى؟؟؟
بيض الله وجهكـ
ولاهنت وصح السانك امتعتنا بهلقصيده الطيبه |
الساعة الآن 06:45 PM
 |
Powered by vBulletin® Copyright ©2000 - 2025, Jelsoft Enterprises Ltd.
---