قالوا لي إمدح قلتنا المدح لي زان = المدح في ذرب البنانين زاني
مدحي على فعلٍ وشعري ببرهان = ولا خير في قول بليا بياني
أمدح عريبٍ سيس الجود باركان = صيته سمعته قبل شوف العياني
ماهو نفاق لا ولانيب غلطان = من سمعني بيقول صح اللساني
محمد ولد جرمي على ساس جدان = من لابةٍ لاجا المحافل تباني
إمجربين في اللقاء لاد ودعان = أخذوا فعاليهم بطول اليماني
تحدروا من راس زايد وبدران = فحل الفحول اللي سطا بالسناني
ركب الشداد معرب الأصل واحصان = وقال إرصخوا يالاد زايد مكاني
هذا محمد جاك من روس شيخان = من روسهم ريف المناعير جاني
عز الله إنه فارقٍ طير حوران = ما خلف دروب امنوفين المعاني
شهامةٍ يوصف بها ذرب ليمان = في كل جودٍ يفعله في زماني
تلقا البشاشة والطلاقه بحجان = وجه العزيز اللي لربعه يعاني
يلقون عند محمدٍ قرح الضان = و الناهية يجدع بها في السماني
ركنٍ لهم ياجعل يبقى إكحيلان = مثل الجبل فيه الذرا والكناني
عد لربعه دايم الدوم مليان = عدٍ غزيرٍ ماتغوضه سواني
بو طارق المشهور بالطايله بان = عندي أو صف به سهيل اليماني
أقول مدحي فيه والعلم نيشان = والقرم جوده بالجماعه قناني
مالي بها في معدن الجود محيان = إلا الحساني تنجزا بالحساني
فما قل دل ايقوله الشيخ راكان = والهرج يكفي صامله من المعاني