انا اشهد اني ردي الحظ من صغري=كم هقوتن فالزمن هقيتها وخابت
اشوف حظي لغيري والعمر يجري=اشوفها والحزن في صدري وكابت
ما غير اعد الجروح الي على صدري=من تحت عوج الحنايا حزنها نابت
لوطالت ايام عمري والدهر جمري=ماطيح يا صاحبي مثل الجبل ثابت
وليا كبر جرحي إلى السابقه عمري=بعض الجروح الكبيره عنها طابت
واليوم كلن درى لا تقول أنا مدري=شمس الضحى عنها للحين ما غابت
أكبر خطاياي إن الصبر هو عذري=وأحلى وصوفك بنظرت عاشقك عابت
حتى عرفت الهوا ماهو على خبري=ومالوم عيني على درب الهوا شابت
لا تنعس عيونكـ الثنتين ما تغري=ما جابت الا المصايب يومها جابت
لا فرحتن تكتمل لا ضحكتن تطري=الشمعه الي تنور دربنا ذابت
وعرفت بن الهوا دربه على قبري=وكفيت رجلي ونفسي بالهوا تابت