يامل قلب زاع زوع اشقر زاع=من كف صقار على تل عبله
ورى خراعيب من الجول منصاع=يصوعه اللي بالمعرفه لعبله
راعيه صوت رافع اسم شلاع=من حبه ال طيره شفوق وندبله
على الذي حبه لجا بين الاظلاع=متى على الله بلتزم علم حبله
واليوم كنه مايل لتسماع=وعقب الذكى كنه على صورة ابله
ياراكب حر من الهجن مطواع=سنه سديس وشعل ينتعبله
له عند ابن جدلان كيال الاصواع=كيال صاع العرف والطيب شبله
اللي على رسم المعرفه له اسناع=اما رسم لطيب ولا وجبله
عطه السلام وفهمه كيف الاوضاع=وضع الغرام اللي رماني ابنبله
وانا محب صح ماني بخداع=متنشب قلبي معا من نشبله
والحل عنده والتفاهم ولاقناع=وكل نصيبه يحتوي ماكتبله

الف هلا ماهبت النود ذعذاع=ومالاح برق في مناشيه قبله
برسالة اللي من هوا البيض منلاع=والبيض من عارض هواهن ايهبله
وخصوص فرقا الشمل عقب التجماع=تلعب بطراد الهوا لعب سبله
والحب يامحمد غدا شمله امزاع=حطم كيانه كل خبل وخبله
اللي بسوق الحب تشري وتبتاع=تهديه باقة ورد ويرد دبله
ومشيه مع الظولات غنج وتمرياع=ون شاف زول يشبهه طار شبله
وش رايك انجنبه ياوافي الباع=مادام سوق الحب ماهوب هبله
اهل الهوا في سوقه اضمي وجياع=تطرب وتروي للهوا وتحطب له
كل معا سوق الهوا جاك فزاع=بعوده وبوصه ومواله وطبله
وسلم ودم محنة المزن بالقاع=وماحن رعاده وماهل وبله

المشاركة الأصلية كتبت بواسطة رائــــــــــد (المشاركة 296627) ابو زابن يعطيك الف عافية على النقل الموفق تقبل مروري

المشاركة الأصلية كتبت بواسطة مبارك الخييلي (المشاركة 296632) لاهنت يابو زابن خالص الشكر والتقدير وصح ألسان الشاعرين تقبل شكري والتقدير