::: مـنتدى قبيلـة الـدواسـر الـرسمي :::

حزينه كلّ نغماتي إذا ما نالني قربك

وش الدنيا بلا شوفه تطفّي نار هجراني؟!!

//

تهج منّي وتنكرني كأني يالغلا ذنبك!

مع اني حافظ ن عهدك ولا أطلب أبد ثاني

//

يذوب القلب في عشقك ويسري الشعر في دربك

يلاحق خطوة اشواقك وينثر عطر ألحاني

///

أنا احبّك ولو تجفا ويفنى العمر في حبّك

وطيفك ما ترك بالي وزوله ساكن اجفاني

//

متى تصفى ليالينا ويسهل عندنا صعبك؟

واودّع ظلمة الفرقى ويطوي الوصل أحزاني؟

//

حروف الشوق من قلبي ينادي خفقها قلبك

تدلّت بين إضلوعي وذابت وسط شرياني

//

مليك الحب بايعتك وقلبي لو تحب: شعبك

يطيعك ما عصى أمرك وعشقك تاج تيجاني

شعر البارق النجدي