على كثر الكلام وقل مانسكت كذاشعار=غبا بنيّة مشاعرهم ذكاها في منا برهم
تهجي الأبجديه يا الضحيه مابقي اسرار=مابين سطور صمت بحور تغرق في محابرهم
خبر للمبتدأ ينصب ويرفع يلفت الأنظار=أسامي طين يالتخمين تحفر في مقابرهم
تصفق له كثير الغيد من قدّه أبو الأشعار=كبير الضيعه شاعرهم وابوه أكبر أكابرهم
تطرّق للنخـيل و للصهيل و صابر الصبّار=كبيبره يالهقاوي من مناظرهم مخابرهم
يقول البحرما حدٍ غاص بي إلا وهو بحّار=تقول الريح ما وقّف بوجهي كود غابرهم
يقول الجوما حلّق على متني سوى اللي طار=يقول الطير لو قُصت جناحيني فخابرهم
يقول الشـوك ما وطّوا علي ولا على الأخطار=تقول النار ما مرّوا علي ولا طـوابرهم
يقول الفعل من يمناي ما عنّز على الأسوار=أنا مادري متى شمّر عن ذراعه وصابرهم
يقول الشعر أوزاني وأحزاني مع السمّار=ترى والله مامرّيت به دكّت معابره
على كثر السكوت وقل ما نحكي هنا شعّار=أنا مادري من الشاعر من الكاسر يا جابرهم

يقول الفعل من يمناي ما عنّز على الأسـوار=أنا مادري متى شمّر عن ذراعه وصابرهـم