::: مـنتدى قبيلـة الـدواسـر الـرسمي ::: - شـــاعر التحدي

قصيده رائعه وجزله من شـــــاعر عرف عنه الإبداع ’’’ شـــاعر التحدي ’’’ :: معيوف الدوسري
::................................................ ........................................::

دخلت مع باب وسيع ورحت مع درب وسيع

في الوقفه الي ما يوقفها يـا غيـر رجالهـا

يا صاحبي حماد سلم لي علـى عبدالسميـع

وعطه العلوم الي سهوم الموت فـي تمثالهـا

شاعر ولي معنى ولي مبداء ولاكني صديـع

ما جامل الغلطه ورجعها علـى مـن قالهـا

والي يسمونه رفيع اكيد عكس اسمـه رفيـع

من منطلق تخسى الوجيه الي تهين اسبالهـا

الله وكبر يا زمـان يرتفـع راس الوضيـع

يا خذ مكانـه ماتناسـب لـه ولهـو حالهـا

والي تعذر ينقبل عذره واناء راسـي شجيـع

والى السحابه من على راسه يهـل خيالهـا

مانظلم وجيه الرجال وكل رجل لـه صنيـع

الغلطه بغلطه بس الحسنـه بعشـر أمثالهـا

الحقد في وجه الحقود يبيـن وعيونـه تذيـع

لـو مـا يقولـه بالسـان عيونـه يورالهـا

تمشي حركات الكيع الى على الراس الكيـع

الي ما يجهل في مخارجهـا قبـل مدخالهـا

والسلعه الي حايره مابيـن شـراي ٍ وبيـع

خسران منهـو سامهـا لـو يقنعـه دلآلهـا

طاحت نجوم والى بقى الى نجمة ٍ تلمع لميع

عسى السعد فال النجـوم ويـا لعلـه فالهـا

اسوق رجلي للعلاء وادحم بضلع ٍ ما يميـع

مع الذياب الي على القمـه تشـوق افعالهـا

يا هيه يا وادي الدواسـر والسليـل والبديـع

والخرج والافـلاج والدنيـاء علـى موالهـا

دامي كسبت أعجابكم واعجاب ها العالم جميع

كنـي ملكـة المملكـه بسهولهـا وجبالـهـا

::................................................ .............................................::

وبالتوفيق للشـــــاعر القدير :: معيوف الدوسري

ودمتـــــــــم