ياسلامي عد ماهب ذعذاع الرياح=في محل أهل الكرم والمعزة والوفا
قوم ياسلطان باخذ معك جد ومزاح=انت رجلك سالمة من ضواريب الحفا
مرحباً بك يالمسلم وبرق الخير لاح=عد ما برق السماء لاح وأنور وأختفا
وأنا جاهز للعب والوعد نور الصباح=يوم رجلك يابن الجواد جاها ما كفا
شغل افكارك ترى اللي يفكر ما ستراح=واعتبرنا غير بعض الصداقات احلفا
أنت شاعر والبداية تبشر بالنجاح=مير لا تزرع زروعك على عرض الصفا
الفكر مشغول والصدر ضيقة وانشراح=وأخبر المرضان يصبر ويبشر بالشفا
أطلب التوفيق والله يهدي للصلاح=مير ميز لبسة البرد من لبس الدفا
اجتهد في مقبل الوقت والدنيا كفاح=والمواقف ما تخلي على الدنيا خفا
شفتنا صورتك في المختلف بين اللياح=ياحسن وقفتك في الصف والصافي صفا
الجهد مبذول وطويق لايمكن يزاح=ما يضره كلمة الحاقدة وأهل الجفا
صورتي تاجٍ لراسي مع طيور الفلاح=يومك تجيب السوالف على وجه وقفا
لانقلت أسم القبيلة ترى منت بمباح=حاول انك تاخذ العلم من روس عرفا
احتمل للكايدة في مجيك والمراح=لين تظعر بك لياليك في روس الشفا
انقل اسم اّلا زايد مداوية الجراح=والعلم مصدره موثوق واخبر من لفا
واحتمل للكايدة لو بها زرق الرماح=واضحٍ نوري ونورك لعله ماطفا
كان ماتضهرك يمناك في روس الظياح=جعل ستر الله على اللي يبي ستره ضفا
واعلم ان الله كريم وخلق الله شحاح=لايهمك مكد القول واللي له نفا
لاورت أشرب من الصافي العذب القراح=يومك تجيب الخبر من منير ومصطفا
مير طعني وأطلب المعتلي عفو وسماح=واعلم ان الله رحيم وبعباده رفا

ابقاك الله أخوي راشد المسعري وشكراً على مروك الطيب

أخوي فارس الدواسر
أشكرك على هذا المرور الطيب ولا هنت