سقى داركم يابدر بن نايف الرجبان=صدوق الخيال اللي نشا من مناشيها
ترزم رعوده والبراريق فيه تبان = يعم الكويت الخير وتسيل اراضيها
تربع ربيع يطرب البدو والحضران = وتفل الخيام اللي تشوقك مبانيها
بها الهيل ودلال تطير خوى العمسان= وعود ازرق وعلوم والشعر قافيها
رجال على رغم الحضارات والازمان=مانسيو عوايدهم ولا تراث ماضيها
بعد ماوصلنا دارهم شافت الاعيان=رجال مطانيخ طوال يمانيها
لقينا الدواسر تذبح الحيل والقعدان= لمن جالهم والضيف شوفه امانيها
كرمهم كرم حاتم وكل بنى ديوان =مشطر وكنه للنشاما يناديها
تراحيبهم متواصله والهروج سمان=رجال تنومس طيبات مساعيها
وانا باصف شعوريشعر وبدع القيفان=وبهديه لرجال حرار مجانيها
بقدم لهم كل الشكر وبدي العرفان=على مالقينا من حفاوه واجازيها
لهم ترفع البيضاعلى كل ضلع بان=وعشرين نعم ان مجال لطاريها
وبخص بن نايف بدر واحمد حسيان = ورسام والدكتور بادي وباقيها
وبني عمهم واخوانهم كلهم من دان =وقيفان شعري ماتكفي حسانيها
خذينا لنا يومين مع ربعنا الظفران =ولا اظن فكري من غلاها بناسيها
سوالف وشعر وملعبه مابها خسران =او عرفنا رجال عز منهو يباريها
عسى الله يديم العز والامن والايمان=بدار الصباح ويخزي الله معاديها
بلاد عزيزه شعبها والشيوخ اعوان=وترابط فريد النوع مابين اهاليها
شيوخ غلاهم في قلوب الشعب سكان=وسكان راحتهم هي هموم راعيها
شيوخ لهم في نجد مجد وقصر وخوان =وتاريخهم راسخ ولا غر قاريها
بقياده صباح الاحمد معرب الجدان= وعضده ولي العهد نواف حاميها
اقوله وانا من لابه للكرم عنوان= جميلات ساس المجد والعز زاهيها
لنا منزل عالي ونفرق على العربان = بأنا حكمنا دولتين باساميها
ولنا وسط نجد ونجد من خيرة الاوطان =بلاد حميناها ولا احد يدانيها
هي الساس فيها مجدناشامخ البنيان= ولا غيره طول السنين وذواريها
بناها الجميلي فيصل متعب الفرسان= وخذا خمسة وتسعين عام يصاليها
على ضيمها صابر ولا سكر البيبان= كريم وشجاع وريف ربعه وعانيها
وبعد وحد الدوله معزي على القرآن= وساد الامن قاصي الجزيره ودانيها
غدينا مع الحكام صف على العدوان = تحت راية التوحيد والعز ضافيها
نعيش برخاء وملوكنا تخد م البيتان = وباعمارنا وقت الشدايد نفاديها
هذا يابدر قافي وصلكم وانا شفقان= على شوفكم ودياركم مع مفاليها
اقوله وانا صادق علي يشهد الديان =وتقديركم خلاني ابدع قوافيها
ومعزتك وربوعك كبيره ومهما كان = كتبنا من الاشعار مهوب كافيها
لكن العذر بابديه لامن بدا نقصان =ولا كامل الا خالق الخلق هاديها

المشاركة الأصلية كتبت بواسطة عامر النتيفات (المشاركة 281163) عنما قمنا بزيارة الكويت الشقيقه تلبية لدعوه / حسين بن براك الدوسري الذى وفى وكفى بكل ماتعنيه الكلمه : وجدنا الدواسر الذين يرفعون الرأس بكل ماتعنيه الكلمه وجدنا الكرم الحاتمي والترحيب المستمر والحفاوه البالغه . وجدنا الدواوين العامره والعلوم الغانمه في الحقيقه يعجز التعبير في وصف هؤلاء الرجال ولكن ما ستطعت قوله كتبته شعرا كي اعبر عن شعوري تجاههم والا لن اوفيهم حقهم لن اطيل المقدمه واترككم مع القصيده: والتي اوجهها للشاعر القدير / بدر بن نايف الرجبان وهي تعم الدواسر في الكويت جميعا: سقى داركم يابدر بن نايف الرجبان=صدوق الخيال اللي نشا من مناشيها ترزم رعوده والبراريق فيه تبان = يعم الكويت الخير وتسيل اراضيها تربع ربيع يطرب البدو والحضران = وتفل الخيام اللي تشوقك مبانيها بها الهيل ودلال تطير خوى العمسان= وعود ازرق وعلوم والشعر قافيها رجال على رغم الحضارات والازمان=مانسيو عوايدهم ولا تراث ماضيها بعد ماوصلنا دارهم شافت الاعيان=رجال مطانيخ طوال يمانيها لقينا الدواسر تذبح الحيل والقعدان= لمن جالهم والضيف شوفه امانيها كرمهم كرم حاتم وكل بنى ديوان =مشطر وكنه للنشاما يناديها تراحيبهم متواصله والهروج سمان=رجال تنومس طيبات مساعيها وانا باصف شعوريشعر وبدع القيفان=وبهديه لرجال حرار مجانيها بقدم لهم كل الشكر وبدي العرفان=على مالقينا من حفاوه واجازيها لهم ترفع البيضاعلى كل ضلع بان=وعشرين نعم ان مجال لطاريها وبخص بن نايف بدر واحمد حسيان = ورسام والدكتور بادي وباقيها وبني عمهم واخوانهم كلهم من دان =وقيفان شعري ماتكفي حسانيها خذينا لنا يومين مع ربعنا الظفران =ولا اظن فكري من غلاها بناسيها سوالف وشعر وملعبه مابها خسران =او عرفنا رجال عز منهو يباريها عسى الله يديم العز والامن والايمان=بدار الصباح ويخزي الله معاديها بلاد عزيزه شعبها والشيوخ اعوان=وترابط فريد النوع مابين اهاليها شيوخ غلاهم في قلوب الشعب سكان=وسكان راحتهم هي هموم راعيها شيوخ لهم في نجد مجد وقصر وخوان =وتاريخهم راسخ ولا غر قاريها بقياده صباح الاحمد معرب الجدان= وعضده ولي العهد نواف حاميها اقوله وانا من لابه للكرم عنوان= جميلات ساس المجد والعز زاهيها لنا منزل عالي ونفرق على العربان = بأنا حكمنا دولتين باساميها ولنا وسط نجد ونجد من خيرة الاوطان =بلاد حميناها ولا احد يدانيها هي الساس فيها مجدناشامخ البنيان= ولا غيره طول السنين وذواريها بناها الجميلي فيصل متعب الفرسان= وخذا خمسة وتسعين عام يصاليها على ضيمها صابر ولا سكر البيبان= كريم وشجاع وريف ربعه وعانيها وبعد وحد الدوله معزي على القرآن= وساد الامن قاصي الجزيره ودانيها غدينا مع الحكام صف على العدوان = تحت راية التوحيد والعز ضافيها نعيش برخاء وملوكنا تخد م البيتان = وباعمارنا وقت الشدايد نفاديها هذا يابدر قافي وصلكم وانا شفقان= على شوفكم ودياركم مع مفاليها اقوله وانا صادق علي يشهد الديان =وتقديركم خلاني ابدع قوافيها ومعزتك وربوعك كبيره ومهما كان = كتبنا من الاشعار مهوب كافيها لكن العذر بابديه لامن بدا نقصان =ولا كامل الا خالق الخلق هاديها

هكذا يأتي وفاء الكبار دائماً ..

شاعرنا الكبير عامر الدوسري ..

ليس مروري هنا للاشاده فأنت في غنىً عنها من أخٍ صغير لك ..

كما أن الرجبان وساكني الكويت من الدواسر عموماً في غنى عن تأكيدي لطيبهم ..

ولكن مررت من هنا حتى أرى

كيف يأتي الثناء من الأنقياء الأوفياء ..

والسلام عليكم ..