هيض بن حصيص في تالي نهاره = ألف قاف من ضميـره مدلجاتـي
يانديبـي فـوق منبـوز الفقـاره = آركى و حبـال كـوره كالفاتـي
آركى يرعـى نواويـر القفـاره = ما علاه الشد من عشر سنواتـي
كن في عينه من الفرقى شـرار = أو مخاليب الوحـوش الطايراتـي
جعل ضلع طويق ياعايض و وداره = جعل يمحل والوشـوم مربعاتـي
حيث ينزل عندنا مظعـون سـاره = واهتني بصويحبي عشر سنواتـي
ولعتني بالهـوى والحـب سـاره = ولعتنـي عـن غناديـر البناتـي
ماخبر جار ذبـح بالحـب جـاره = .بالمبيسـم والثنايـا المرهفاتـي
راس ساره ذيل شقرا وسط غاره = والجدايـل بالرشـوش مجدلاتـي
والثنايـا قحويـان فـي زبـاره = علها الوسمي على حـد النباتـي
ريق ساره مثل سكر في غضـاره = و حليب بكار عـرب مسمناتـي
والنهيد زبيدي فـي دعـب قـار ه =في محير الماء القراح مصلعاتـي
والمطوع لو يشوف خديد سـاره =ضيع المكتوب وعجل بالصلاتـي
يا وجودي وجد مكسور الجبـاره=ساهر تسعيـن ليلـه مـا يباتـي
أو وجود اللي فضى الحاكم ديـاره=وخذ مالـه والحريـم مسلباتـي
عقب ما هو تاجر راعي عمـاره=صار صعلـوك علومـه هيناتـي
لا يمي يعطى حنيش فـي خبـاره=سمها يشظى العظـام الصالباتـي
حالف مااسلى ولا انسى حب ساره=كود أهل شقراء يخلون الصلاتـي
لارمانـي لايميـن ولا يـسـاره =مار صوبنـي بحـد المرهفاتـي
حطني لهل الهوى المجمول شاره=مثل نيشان المعاطيـب الرماتـي