|
نبذة عن الشاعر محمد بن حشفل الخضراني
السلام عليكم ورحمة الله وبركاته وبعد أقدم لكم هذه النبذة المختصرة للشاعر محمد بن حشفل الخضراني هو الشاعر محمد بن محسن بن حشقل آل سفر الخضراني الدوسري من مواليد عام 1386 هجرياً ،، بداية حياته عاش في الباديه وتنقل بين أرجائها إلى أن إستقر به الحال في محافظة الخرج حيث يقيم فيها حالياً . شاعرنا يعمل موظف حكومي ، وهو بالطبع متعلم ولديه أطفال وأكبر أولاده هو محسن ، شاعرنا لديه إهتمامات بجمع بعض البحوث التاريخيه ،،ولقد قام بإصدار ديوانه الأول الشعري واللذي يحتوي على أغلب قصائده الشعريه وهذا الديوان تحت مسمى ( ديوان محمد بن محسن بن حشفل الخضراني ) وتاريخ صدور ديوانه في عام 1419 هجرياً وهو موجود لدى أغلب المكتبات ،، ولدى شاعرنا النية في إعادة طباعة ديوانه بالأضافه إلى إصدار ديوان مسموع ،، شاعرنا أبو محسن إشتهرت قصائده وتناقلتها الناس بينها وجائت هذه الشهره من خلال مشاركاته في بعض الصحف المحليه وأيضاً لديه مشاركات عديده في جريدة الجزيرة وجريدة الرياض ومجلة اليمامه وكذلك مجلة البواسل ومجلة الأبل . لقد إستضيف شاعرنا عدة مرات في التلفزيون السعودي وكذلك برنامج ديوانية الشعراء وإذاعة الرياض وبرنامج الخيمه الشعبية وبرنامج من الباديه بصفة مستمرة وكذلك إذاعة قطر برنامج أثير القوافي ،، كما شارك في الأمسية الشعريه اللتي نظمتها الجمعيه السعوديه للثقافه والفنون في عام 1418 هجرياً في مدينة الرياض عندما قامت بإجراء مسابقة لأحسن قصيدة للشعراء الشباب على مستوى المملكة وحينها حصل شاعرنا على المركز الأول في وصف الطبيعه ،، بإلأضافه لحصوله على خطابات شكر وتقدير وإشادة من بعض المراكز العلميه والمسؤلين والمهتمين بالأدب الشعبي ،، شاعرنا القدير أبو محسن يتميز بعدة صفات يتمتع بها منها الكرم والتواضع للغير وإحترام الآخرين وعفة النفس والحكمة والرآي السديد،، كما يتميز شاعرنا بالشعر القوي والجزل والأبداع والتميز في أغلب مجالات الشعر كالغزل ، والمدح ، والوصف ، والحكمه ، بالأضافه إلى القوة في المساجلات الشعريه اللتي جرت بينه وبين الشعراء الآخرين ومن قصائده أورد لكم بعضٍ منها الأولى بعنوان تجربه
الرجل قيل إنه لسانه إحصانه=قولٍ يمثل به وأنا به تقديت لاشفت لي خبلٍ يمذرع لسانه=صديت منه وعن طريقه تحاشيت كونه يحصَل عند غيري الأهانه=وإلأ يعرف إني حقرته وصديت عندي على بعض المسائل ذهانه=الوقت علمني علومٍ بها أرهيت ومن لاتعلَم وإتعض من زمانه=راحت علوم الخير منه تفاويت وله أيضاً قصيدة بعنوان رأي يقول فيها
وين أنت ياللي فيك تمييز وإحساس=بأعطيك رآيي كان قلبك زبونه رفيقك اللي ماسعالك بنوماس=ياماحلا لاغابت الشمس دونه وإن ماتهيَا مع هل العز مجلاس=ممساء الخلاء ولاإقعاد المهونه وإترك سبيل الناس حيثه وجع راس=من جاء بدرب الناس كثرت شطونه والرابح اللي سالمٍ من غثى الناس=لاهو بيطلبهم ولايطلبونه وله أيضاً قصيدة بعنوان عز النفس يقول فيها
مل قلبٍ لابغيت ألغي مجاله=من هواجيسٍ ماهيب إتصد منَه إحتسيت الخوف من خاطي جماله=أعتبرها نفعةٍ وتصير منَه من شحيحٍ مغليٍ حاله وماله=طالبٍ ربي يسد الحال عنَه كل رجلٍ عز نفسه راس ماله=والغناة من الردي في العمر جنَه ومن دخل مبدى حياته بالجهاله=السنين المقبلات يعلمنَه وسوف أختم هذه النبذة التعريفيه بهذه القصيدة الرائعه واللتي يقول فيها
سهيلٍ طلع ياللي ترقب طلوع سهيل=ترى القيظ حرَه راح وأقفت لواهيبه راع البر يالله يكمله فالبلد تكميل=لاطرَِي له المظهار قربت محاضيبه راع البر يلقى ونسةٍ جنسها قليل=إليا من ظرب له فنتقٍ عاويٍ ذيبه بقفرٍ خلا ماينظر الزول بالدربيل=تخاتيخ دوٍ روس الأمثال تزميبه يبوجه سواة الذيب لاأظلم عليه الليل=وفرخ العقاب يخاشره في مراقيبه على شف قلبه ينزل وينوي الرحيل=وإليا من قزى من الخد ماعاد يمسيبه أنا أشوف قلبي دايمٍ ينتحي ويميل=يحب البداوة مير صعبت مطاليبه أحب البراري لاأبرد الجو حب الويل=وجو البلد لو مسكني فيه ماليبه إليا أنشت مزون الوسم وأقبل لها مخيل=مزونٍ هواها ساكناتٍ دواليبه عساها تنثر لاأرتدم نوَها وتسيل=تفيَض وتملا كل وادي وتنحيبه على ديرةٍ لامرَها عابر السبيل=لقاله إرجالٍ في إحماها تهليبه ديار آل زايد لابةٍ فعلهم جزيل=أهل موقفٍ ينشاف وسلومٍ صعيبه رجالٍ تعز الجار وتزبَن الدخيل=وللضيف حقٍ دايم الدوم توفيبه إليا من غلت الأسعار ماتذبح إلأ الحيل=تسوق الثمين وغالي المال تصخيبه هل إبلٍ وأهل هجنٍ منعَت وأصايل خيل=وأهل سمعةٍ بين القبايل وأهل هيبه وأهل شيمةٍ تعرف ومجدٍ لهم سليل=توارث إسلومه يوم شدَوْ مقاظيبه وأهل رايةٍ عليا وأهل مدن وأهل نخيل=نخيلٍ ثمرها من لفا الدار يجنيبه غروسٍ تهزَع بالثمر ظلها ظليل=يقيَظ به اللي خالياتٍ مزاهيبه وأهل منسفٍ ينسف وسيفٍ معه صقيل=وأهل مرتعٍ في ديرة الخوف تنويبه تسجَه بذيدانٍ عليها الشحم حويل=من أول نبات الوسم ترعى وتبطيبه وأهل نطحةٍ تعرف بها ذلة الذليل=لاطري بها الصاحب تبرى من صحيبه وأهل عيلةٍ تكسر شبا من نواه يعيل=يعوَد بغبنه كسبه الذل والخيبه وأهل نخوةٍ منها كثير الهموم تزيل=تورَد هليكٍ ماصفت له مشاريبه على ماردٍ في ظفهم مثل نهر النيل=لاعاد الشحاح تبيع ماها وتشريبه يامال المعزَه كل ماكان فيهم قيل=مايلحق فعايلهم وأنا ماأقدر أحصيبه ترى أكبر دليلٍ يوم جلَوْ بني عقيل=من واد العقيق ونزَحوْ منه أجانيبه وربعي لهم مع كاسبين الفخر تنفيل=يسمون بإسم مجمل الناس تدريبه عصاة تضد الشره لاظيَع الدليل=إليا شب نار الحرب زادوْ مشاهيبه وأهل فزعةٍ لاجاء لهم مومي الشليل=إليا جات به صلفات الأيام توميبه يشيلون من ظيمه ومن حمله الثقيل=وينسى العنى ماعاد يدرى عواقيبه أعد الصحيح بدون زورٍ ولاتظليل=وترى الناس كلٍ دون حقَه ظهر طيبه تروم الوفاء الأجواد وتفظله تفظيل=الأجواد تكسب كل طيبٍ وتحريبه أقوله وأنا للبدو طول الدهر عميل=شفوقٍ وقلبي رغبة الود تدويبه على ديرةٍ ممشاً بها يشفي العليل=هواها بريح إفياظها فايحٍ طيبه أنا عندي إنها ألذ من مسكنٍ في وتيل=من أوتيل خمس نجوم مابغيه واللي به فجوج الخلا لو خيروني هي البديل=تسلَيك عن روتين وقتك وترتيبه بعيدٍ عن إزعاج المخاليق قال وقيل=وعن شوف ناسٍ مسلك الغش تسعيبه ترى والله مايشفي ولايبرد الغليل=يكود السعه لاشفت بالعين لك ريبه وترى فايدة سج القدم مالها مثيل=يكفيك في قول السدير تجاريبه وأنا أقول غير الدين ماللبشر حصيل=ترى الوقت يخلف ظن من كان يرهيبه ترى الوقت للي جاهلٍ دورته طويل=تعرفَه من أيامه ولاينعرف غيبه أبعطي خبر موجز وباأفصله تفصيل=وأنا ماأدعي وأقول قلته وأنا أمشيبه كلامي لاجاء أهل العرف بتحلله تحليل=فلكن شيءٍ جايزٍ لي باأوصيبه إليا الله عطا الأنسان لايذخر الجميل=ترى إحسان كل إنسان يستر على عيبه راع الطيب يبقى في عيون العرب جليل=وعند العرب حتى قريبه يماريبه إليا من بغيت الطيب سلمه يبي قبيل=إليا طلب شيءٍ تاجده لاتعييبه تجمل ونفسك عندها لاتصير بخيل=ومن له عليك حقوق كمَل مواجيبه تمتع وعش وإكسب ولاتاخذ الهزيل=ورزق الحرام إترك إدروبه وأساليبه مادامك قوي والله هو اللي قوي الحيل=تغانم شباب العمر وأكسب مكاسيبه ترى كل وقتٍ بان دوره يجي له جيل=وماجابته سود الليالي بتقفيبه إعداد وكتابة أخوكم : دغش بن بطي الدوسري |
ونعم ونعم ونعم ونعم بيض الله وجهك يابومحمد على هذي السيره العطره الشاعرنا محمد بن محسن بن حشفل آل سفر الخضراني الدوسري واسأل الله رب العرش العظيم ان يبارك فيه ويحفظه من كل مكروه. اخـــــــــــــوكم / فــــــــهـــــــــــــد الــــغــــــريــــــري,,, |
والله والنعم بالشاعر الكبير ابومحسن
ولاهنت اخي دغش على طرح مثل هذي المسيره لشاعر يعحز اللسان عن وصفه |
بو بطي
يامال الغناه وتسلم يمناك الله يرضا عليك وما قصرت على النبذة المختصرة للشاعر محمد بن حشفل الخضراني والله يعطيك العافيه على علومك الطيبه اخوك ابو عبد الله الشكري |
بيض الله وجهك اخوي دغش البطي ويتشرف بمنتدى الدواسر بوجود الشاعر الشاعرنا محمد بن محسن بن حشفل آل سفر الخضراني الدوسري ضمن كوكبته
تقبل تحياتي،، |
[
size=5]لاهنت يادغش ]على النقل الجميل وصح لسان ابن حشفل على ذا القصيد الجزل الزين ولا تذخرون الجديد ياهل الجزاله[/size |
دغش البطي السلام عليكم ورحمة الله وبركاته كفيت وفيت عسى والديك الجنه ابومحمد لاهنت يالقرم علاء هلكلمة الطيبه وبعض قصايد شاعرنا الكبير محمد الخضراني حفضه الله محمدابن حشفل شاعر نسمع به من وقتن طويل نسمع بعلومه الطيبه وحبه الربعه والمعارفه والا أخفي عليكم أني من اشد المعجبين به وتمنى من الله أن يحفض شاعرنا ولا يحرمنا من شوفته عن قريب أخوك ومحبك . راعـــــي مــــكــــحـــولـــه |
اقتباس:
الأ خ العزيز الغالي فهد الغريري مرحباً تراحيب السيل مرورك العاطر ينومسني لاعدمتك والصفحة تتشرف بمرورك الباهي بيض الله وجهك ورحم الله والديك تحياتي العطرة لمقامك العالي محبك دغش البطي |
اقتباس:
الأخ العزيز الغالي الودعاني مرحباً تراحيب السيل مرورك العاطر ينومسني لاعدمتك والصفحة تتشرف بمرورك الباهي بيض الله وجهك ورحم الله والديك تحياتي العطرة لمقامك العالي محبك دغش البطي |
اقتباس:
أبو عبدالله الشكري مرحباً ترحيبةٍ تخضر بيابس الورق مرورك العاطر ينومسني لاعدمتك والصفحة تتشرف بمرورك الباهي فألف ألف ألف شكر على المرور العاطر وبيض الله وجهك ورحم الله والديك تحياتي العطرة لمقامك العالي محبك دغش البطي |
اقتباس:
أبو مبارك العماني مرحباً ترحيبةٍ ماتنحصي بالعدد مرورك العاطر والباهي يشرفني لاعدمتك وحظورك الطيب يعطر الصفحة عسى الله مايحرمني منك ولامن تواجدك يالسنافي تحياتي القلبية لمقامك العالي محبك ومغليك دغش البطي |
اقتباس:
الأخ العزيز محمد بن مسلم الحرجي مرحباً هيل عد السيل مرورك شرفني وأسعدني لاعدمتك يالسنافي تحياتي القلبية لك محبك دغش البطي |
اقتباس:
الأخ العزيز الغالي راعي مكحوله مرحباً تراحيب السيل ياابو ناصر مرورك العاطر ينومسني لاعدمتك والصفحة تتشرف بمرورك الباهي بيض الله وجهك ورحم الله والديك تحياتي العطرة لمقامك العالي محبك دغش البطي |
والنعم والله بالخضران
|
اقتباس:
يــــســــــتــــــــــاهـــــلــــــــون لاهنت يابدر على المرور العاطر تحياتي لك محب الجميع دغش البطي |
الساعة الآن 01:14 AM
 |
Powered by vBulletin® Copyright ©2000 - 2025, Jelsoft Enterprises Ltd.
---