ياسلايل مشبعين السيف و العرق المحنّـا =و أهل طرم.ن. ما تهرّج غير بأسبـاب المنيـه

راكب اللي كن كبوته مـن أصطبـه مدنّـا =أطخم.ن. من ثقل ماطـوره تهيـزع مقدميـه
كن خشمه لا نطحك و جاك منا و أنت منّـا =خشم وضح.ن. ساقها المتعب على خاله خويه
من طرف وضح.ن. من التنهات لا روضة مهنا =ما عليها إلا العمـد و الحلقتيـن الفيصليـه
سايقه لا من تناوش مقـوده بالخـط غنّـا =كن جلّـده لا نهمتـه جلّـد همّـال برديـه
في عروق الصلب مثل السفن في رحلة فينّا =لا نطحته تحسب إن نوره تعـدى الجاذبيـه
لا خذا غربي طريق إنكاس و بيـوتٍ تبنّـا =أنص قصر.ن. صوب غرناطه كبر هضبة طميه
أقلط بقصر.ن. كبيـر.ن. مـن قلـط فيـه يتهنّـا =عند ابو تكفى و بو جود اليميـن الحاتميـه
لو تجيه و تنشده وين اهل تكفى قـال حنّـا =حنّا هل من قال تكفى اليوم و الصبح و قفيه
أنجلو عشاق تكفى و أبشروا باللـي تمنّـا =ما بقى منهم يا كود سعود أبو الأحمد وزيّه
الأمير: سعود بـن عـوّاد مزبـان المجنّـا =لا أنتهت منه الفزوع و غلقت منه الحميـه
يا سلايل مشبعين السيف و العرق المحنّـا =و أهل طرم.ن. ما تهرّج غير بأسبـاب المنيـه
و الله إن البيض لك في كل مرقـاب.ن. تبنّـا = وإنك من الأولين بـدول صـب الشاذليـه
خيرك السابق علينا و أقبل العرفـان منّـا =بيض تنشرها عيال كليب فـوق الزايديـه
وإن تجاهلنا عسى ربي يشيل العـز منّـا = دام نجم سهيل حي و دام عين الشمس حيّه

المشاركة الأصلية كتبت بواسطة مطلق الحصان آل عمار (المشاركة 270898) ابو عبدالرحمن الف الف شكر لك على نقلك الرائع وصح لساااااااااان الشاااااااعر ابن جدلان ويستاااااااااهل ابو عواد تحياااااتي وتقديري

المشاركة الأصلية كتبت بواسطة نايف الخييلي (المشاركة 270934) صح لسان ابن جــدلان ويستاهل ابن عواد الصخابره المدح ولاهنـــت يابو عبدالرحمن على نقلك لهذه القصيده الرائعه

المشاركة الأصلية كتبت بواسطة حمد دخيل الودعاني (المشاركة 273163) لاهنت يابو عبدالرحمن على نقل قصيدة الشاعر سعد بن جدلان ويستاهل المدح ابن عواد . تقبل تحياتي..