وش تستفيد من الشعر يابن فراج= انا استفدت0 إلا انت مالك وماله
خله لمن هو لاسكب فيه ثجاج=يعطيك من برد القوافي زلاله
ماهوب من يحمل له اسفار ورجاج=يمج به ويعك به من جهاله
مايفسد العطار افعال هداج=ولا يصلح الا من غدابه غداله
ياشيخ ما نسكن بأبراج من عاج=نسكن مضارب عبس0 أعتى رجاله
ماحتاج فزعاتك ولا احتاج كرباج=الا لمخلابي ونابي وحاله
صدقني اني بعض الاحيان مزلاج=وحيان قفلٍ تفتحه بالسهاله
وصدقني اني بعض الاحيان حجاج=اقطع رؤسٍ يانعه من سلاله
واصدقني انى من كويتر وقرطاج=وقسيون والبارد انا من رجاله
الدمعه ان سالت ترى بعض مونتاج=ونجود فارس ماهي البرتقاله
في البيت كهرب وانت ماعندك سراج=يكفيني ان طفيت شفتك ظلاله
على العموم النجم ماحوله ابراج=هاوي ولا هو غاوي في مقاله
رجّال لي قيمه ولا عندي حراج=امشي مع رجالٍ تروم الشكاله
ذبح القوافي مابعد حط بسياج=الشعر عنده هامشٍ ما سعاله
ماهوب مدّاحٍ وفاحش وهرّاج=ماطرّ بلسانه مثل ها الحثاله
رزقي على الله كل ماحتاج واحتاج=ارفع يديني وادعي الله وساله
الحمد لله كل ما اظلم لي انباج=الفجر صادق والامل به وفاله
مسلم عل ملة محمد ومنهاج=مصليٍ فرضي وبرضي عداله
فرّاج هم ولا لقا لهمه افراج =الله يفرجها على من شكاله