::: مـنتدى قبيلـة الـدواسـر الـرسمي ::: - سيـــــــد الكـــــــــــــــــــــــون

ونيت ونـه يـوم تدمـع العيـن=وامشي وهمي شايله في ردونـي=واخاف بعض الناس لاينقدوني وشكيت همي للذي يرفـع الكـون

همي تقسم بيـن وقتـي وناسـي=وصبـري نفذعيايقدراحسـاسـي=والوقت ثوبه زايدنعن مقاسي واشكي ومثلي اغلب الناس يدرون

ياماشكيت ونحت بسـروجهـار=وبينت ماكنه ضميري من اسـرار=واصبروكني واطين فوق مسمـار وشكوى لغير الله ماتبري طعـون

شكوى لغيرالله تحسـب خسـاره=مثل الذي يحـرق ثيابـه بنـاره=والنار ماتطفـي لهيـب الحـراره والله ادري واغلب الناس يـدرون

ادري وهم يدرون هالوقت مايـل=وقـت النميمـه والغدروالرذايـل=وقتـل الأبـو والأم اكبـر دلآيـل تكفون وين الحل ياللـي تعرفـون

ارجع واقول الحل ضاعت ابوابـه=ويـن المطرلاصارمابـه سحابـه=وكل يشوف البيت قطـع اطنابـه ناس تشوف وكنهـم مايشوفـون

الله يعّـود أيامـن الماضيـاتـي=نسرح مع القطعان بأرض فلاتـي=مافيه جـوالآ ولامرسـلاتـي والاطفال من ثدي الحنونه يغذون

مافيـه خدامـه ولافيـه سـايـق=والمال مايودع مع شخص بايـق=المـال عزوغيرذالـك علايـق وترى القزازاذا انكسر يفقد اللون

اللون هـو سيدالطبيعـه قمرهـا=ولولاه مابه ناس تلفـت نظرهـا=ولازهت شمس الغـروب بحرهـا وارجع واقول اللون هوسيد الكون

وارجوالمعذره كان بالقـول زلـها=وحرف مايـل مايناسـب محلـه=العـز عـز والاهـانـه مـذلـه فنكان به نقد فانـا منـه ممنـون

وصلاة ربي عـد ماحـن ولهـان=وعداد ماغنى الولع فوق الاغصان=على نبـي كمـل الديـن باركـان وارجو عليه عقب الشهاده تصلون