يامدعين الشعر خلوه خلوه=صرنا نشوف الغث جنب السمينا
في كل يوم نشوف اشكال ووجوه=بلا صور غثوا بها المسلمينا
يوم انها با(الواو)قلتوه قلتوه=والا بغيره مابه الا رطينا
لاتحسبون الشعر هرج(ن)تصفوه=الشعر مايحبكه كود المكينا
قلته وانا قبلي هل العرف قالوه=في الطيب مغشوش(ن)وفيه الثمينا
هذا المثل في ساحة الشعر تلقوه=منهم ركيك الشعر ومنهم رصينا
والمدعي لشعر تكفون كبوه=ونغربل الساحه من المدعينا
هذا كلامي ياهل الشعر واقروه=قلته وانا صادق وربي يعينا