مل عين لأظلم الليل عيت لاتبات = قسمة كتبت على العين من خلاقها
الوله والليل ومراجعات الذكريات = والهموم اللي تبذ الجفا برهاقها
والطعون الموجعه والجروح الخافيات= لوبغيت افراقها ما لقيت فراقها
والهموم اللي تهد الجبال الراسيات = لوتحمل فوق ظهر الجمل ماطاقها
كل ماأقبل داجي الليل ياالله بالثبات = لين شمس الصبح يبدي علي اشراقها
ياوليقي وش يحدك تسوي ذا السوات = والعهود الأوله مااختلف ميثاقها
أجذبتني في هواك الوصوف المغريات= صرت أشوفك مثل ليلي وأنا عشاقها
ياذهب ياماس ياورد ياسكر نبات = ياحلاة السكره سعد ابو من ذاقها
كن في صدره بياض الفنوف المرزمات = لانعزل ربانها واشتعل براقها
هزني بالحب هز الرياح العاتيات = للغصون اللي يحت الخريف اوراقها

فالقصايد ياسلامي لبعض المفردات = كل كلمه وفي حده شرحها وسياقها
كن راعيها يدله عليها يافتات = يكسب صغاي العرب كلها واذوقها
والله اني معجب فيه شخصيه وذات = وأن علومه واجد غيرنا عشاقها
يامحمد أبو مبارك علومك طيبات = غير جبت همومي الغايبه مستاقها
تشتكي من حر فرقا عشاشيق البنات = مع من أطغاها بهاها وطيب أعماقها
شبه وضحى في نحرها ثلاث مطرزات = أهلها من حبها يتبعون أشوقها
طرعة للصوت وأن هوبل القلاط جات = من ورى صوت المهوبل تموح اشناقها
من ذكر فرقا وساع سوالفها اسكات = ضاقت الدنيا دواويرها وأفاقها
ولعسن ماحبها إالا لبا ولامهات = والعطاشا حولها ماتبل ارياقها
أنشد اللي قد طرد من وارهن لين مات= من سببهن مابقى لقعة ماذافها

المشاركة الأصلية كتبت بواسطة ناصر آل جزاء (المشاركة 252362) مساجله رائعه .. بين الشاعرين الكبيرين .. محمد الصخيبري و سعد بن جدلان .. أشكرك جزيل الشكر يالضغط العالي على إيراد القصايد .. وبنتظار كل ماهو جديد .. تقبل مرور أخوكـ / ناصر آل جزاء