ياناعم العود وينك يانظر عيني=ياللي بشوفك تبّدل كل أحوالي
ماتعرف اني احبك وانت مشقيني=وماغير طيفك أشوفه دايم قبالي
جميع مافيك ياغلى الناس يغريني=وماغيرك أحد" حبيبي مشغل بالي
شوفك مطر للمشاعر وأنت تحييني=بأصبر على البعد والهجران لوطالي
غريق في بحر حبك لاتخليني=مأغليت غيرك ياليتك بس تصفالي
بالصدق والحب والأخلاص ضميني=كوني لي الغاليه وأكون لك غالي
لك كل عمري غلاتي وباقي سنيني=والله بقربك تحقق كل امالي
كل يقول اتركه واقول مرضيني=يعجبني بكل زلاته ويحلالي