بنتحل في شاعري واتعاطا في المديح=مدمنٍ في صدقي اللي جعلني كذبته
مال أم الهاويه يشتعل فيها القديح=مال عكفان الشوارب سراة بقدرته
ماتلهمت المهمل وهملت الفصيح=لامهلهلها تهلهل ولا هي هلته
لوتشوف الشيب قابع ترا طفلي يصيح=من وقارٍ مقحمه ساعة أمه جابته
مايصح إلا الصحيح وما انتحر غير الصحيح=المبادي مالها سوق من يشري 00وبعته
بيض الله وجه من قام وطاح ولايطيح=كان فيهم سيّد اليوم صاروا سادته
ماتبعنا سنة احمد ولاحنا في مسيح =ماتبعنا ابليس إلا مشينا ساقته
يازمان اول تحول دفنتك بالضريح=لامبعيج نصرته ولا هي خطته
العجاجه مقتفيها عجاجه والجريح=لوربط ساقه0، وساقه عرج في مشيته
الرياح العاتيه مانناطحها بريح=نلوي ذراع المهايط وندمح زلته
لو تمادا وجه بن فهره الوجه القبيح=بعد ماندرا وندرا وندرا عثرته
ندمغه بمخمسٍ لين يفتر ويصيح=لين يعرف قدرنا مابخسنا حضرته
حنا ما حنا على كيف ضنك يا الشحيح=نخلف الهقوات للي قصر في هقوته
كم هنوفٍ ذبّت الشال من فعلٍ مليح=طامح من شيخ قومٍ00 تبيه وعافته
كم عقيدٍ هابه وهاب منه المستريح=السحر عوّد على الساحر وتعويذته
كم على جاله تهاوت صخورٍ من صفيح=تشرب الرمله عرقها وصبخا تربته
كم وكم (ذبح القوافي) ولاهوب الذبيح=اللهم اشرح له الصدر00 أُحلل عقدته
مالي ومال المدايح مادامني صريح=حتى لو إن أعذبه أكذبه ما أكتبته
باتراجع واكتب الشعر من دون المديح=صادقٍ واللي خلقني صدقت بكذبته

لو تمادا وجه بـن فهـره الوجـه القبيـح = بعـد مانـدرا ونـدرا ونــدرا عثـرتـه
ندمغـه بمخمـسٍ ليـن يفتـر ويصـيـح = ليـن يعـرف قدرنـا مابخسنـا حضرتـه
حنا ما حنا على كيف ضنك يـا الشحيـح = نخلف الهقوات للـي قصـر فـي هقوتـه