ترى سياسة حوحو مثل سياسة قيص قيص=
مابه يتيم الا اللذي ماله ولد عم خليص=
لأن السنين المقبله عويات ذيب ونبح نيص=
هيص ياقلبي في بساتين (الفلا) وانا بهيص=
والا (كولومبس)من ردى حظه ماجا شرقي خريص=
مراتع اللي مالك قلبي وله جرح غويص=
تعال يا اعذب من قصيد ابن غراب البن رميص=
يا أمتع من علوم القنص عقب البطا في اذن القنيص=
ياروعة الشعر افـغراميات (سعد بن حريص)=
خليتني دمعه على خد الزمن فيها بصيص=
وانا حريص اني ما افرط فيك ولاني ابحريص=
يامخترع (سياسة التهجير)والحب الرخيص=
أصيح صيحات النذير وأون ونات القريص=
غير الغدر يوم اصلب عظامي وانا حالي نقيص=
محّصت قلبي بالغلا وانته نتاج من المحيص=
من كثر ماتملك خصوصيه بقلبي يالخصيص=