تنام أهل القلوبْ المستريحـهْ=وأنا راحاتْ قلبي في عذابـي
أرظّف ونّتي من ضيقْ صيحهْ=ومن همٍّ بقاصِِِِ الجوفْ غابي
نصيحهْ والنّبا منّك نصيحـه=لكـم يابوخليفـهْ منتـدابـي
سخيّ النفس والرّوح السّميحه=عزيز الشّان مرفوع الجنابي
تعـلاّ للنّجـومْ المستشيحـهْ= شعاعْ النّور ومزون السّحابي
أنا محتارْ في الدّنيا الشّحيحهْ=يهيمْ البـوم فيهـا والغرابـي
أرى يا سيّدي بعض الشّريحهْ=بطانة رمّةٍ تحـتْ التّرابـي
سريعٍ في المجاملْ والمديحـهْ=كسوبٍ مستفيدٍ فـي الكآبـي
نصيحهْ منه تحتاجْ إلنصيحـهْ=كلامٍ مثل ضحضاح السّرابي
أخافْ الّلوم عذالـي تبيحـهْ=وأنا قلبي عن العـذال يابـي
ألا يا ليت من بيصيحْ صيحهْ=صداها ينسمع في كلّ نابـي
سبوق الشّاردهْ منها طريحـهْ=وباقيهن خمورٍ فـي المغابـي
إذا من هبّ نسناس الصّبيحهْ=لفا من صوب ريّان الشّبابـي
يزيد الشّوقْ في قلبي لفيحـهْ=على ُبعدي وهمّي واغترابـي

المشاركة الأصلية كتبت بواسطة شهد (المشاركة 242121) الامبراطــــور صح لسانك ولسان بن مكتوم اختياار رائع وجميل الله يعطيك العاافيه وماقصرت

المشاركة الأصلية كتبت بواسطة نايف الخييلي (المشاركة 242128) لاهـــنت يالامبراطور على الاختيار الموفق وصح لسانك وصح لسان راشد المكتوم ...وتقبــــل مروري

المشاركة الأصلية كتبت بواسطة أمـــيرتـــهم (المشاركة 242186) تســـــلم يمينك الامبراطور على القصيده ...صح لساانك ولساان شااعرهاا أمـــــيرتـــــــهم