الناس ترقى وانا حدّرت من فوق= وقتاً ماعاد هـوب يمـك ويمـى
يومنهـا باليـد مانيـب مسبـوق= ياما خذينـا بغيـر عـدٍ وكمـى
ويؤمنها تؤخذ مع الناس بطـروق= ياما ارتوينا منها كدر(ن) وجمـى
وياما قطفنا منها ورد(ن)وغرنوق= يؤمنهـا ياخـوك فيهـا مهمـى
يابوسعد اليوم مالى بهـا سـوق= مادامها صـارت بوق(ن)ولمـى
ناساً معيشتها على السرق والبوق= وناساً معيشتهـا بغبـنٍ وهمـى
دنياً تشكل لك بأشكـال ورنـوق= والرابح اللى يذكـر الله ويسمـى
مشيت بها بكل نهج(ن)وطاروق= وما همنى شخص(ن)بها مستهمى
لاشك اخاف قولت الناس مطفوق= اللى يدسون العسل وسـط سمـى
وأللى بقلبه أسود الحقد محـروق= ولا فاتشتـه لقيـتـه مخـمـى
خبيث منطوق(ن)وهروجه طبوق= وبين العربان بس يمشى وينمـى
ولابخصته كأن فى قلبـه فتـوق= هيس(ن)خسيس(ن)للسفاله يلمـى
وبعض العرب ياناصر جعله العوق= تأسف لاقلت عنـه ابـن عمـى
ترى ما همنى من الناس مخلـوق= لاشك مبـداء وألمبـأدى بدمـى
وصلاة ربى عداد ما لاحت بـروق= على نبياً صفوت الخلـق سمـى

لاشك اخاف قولت الناس مطفوق=اللى يدسون العسل وسـط سمـى
وأللى بقلبه أسود الحقد محـروق =ولا فاتشتـه لقيـتـه مخـمـى
خبيث منطوق(ن)وهروجه طبوق=وبين العربان بس يمشى وينمـى
ولابخصته كأن فى قلبـه فتـوق=هيس(ن)خسيس(ن)للسفاله يلمى
وبعض العرب ياناصر جعله العوق=تأسف لاقلـت عنـه ابـن عمـى

ترى ما همنى من الناس مخلـوق = لاشك مبـداء وألمبـأدى بدمـى